ଥୀରୁଅନନ୍ତପୁରମ୍: ଉଦ୍ୟୋଗ ବିଭାଗ ନିର୍ଦ୍ଦେଶକଙ୍କୁ 100ଟି ବୃକ୍ଷରୋପଣ କରିବାକୁ ଶୁକ୍ରବାର କେରଳ ଉଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି । ଏଥିସହ ଜଷ୍ଟିସ ଅମିତ୍ ରାୱଲ ବନ ଏବଂ ବନବିଭାଗକୁ ବୃକ୍ଷରୋପଣ ପାଇଁ ସ୍ଥାନ ଚିହ୍ନଟ କରିବାକୁ ନିର୍ଦ୍ଦେଶ ଦେଇଛନ୍ତି ।
କୋଲ୍ଲେମରେ କାର୍ଯ୍ୟ କରୁଥିବା ଏକ ରାସାୟନିକ କମ୍ପାନୀ କେରଳର ଉଦ୍ୟୋଗ ବିଭାଗକୁ ଏକ ଆବେଦନ କରିଥିଲେ । ଯେଉଁ ଆବେଦନର ଶୁଣାଣି ଗତ 2016 ମସିହାରେ ହୋଇଥିଲା । କିନ୍ତୁ ବିଭାଗର ଶୁଣାଣି ଆଧାରରେ କୌଣସି ଆଦେଶ ଜାରି କରିନଥିଲେ ।
ଫଳରେ କମ୍ପାନୀ ଉଚ୍ଚ ନ୍ୟାୟାଳୟର ଦ୍ବାରସ୍ଥ ହୋଇଥିଲେ । ଯାହାକୁ ନେଇ ଉଦ୍ୟୋଗ ବିଭାଗ ନିର୍ଦ୍ଦେଶକଙ୍କୁ 100ଟି ବୃକ୍ଷରୋପଣ କରିବାକୁ ଉଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
