ପାଟନା: ଲଗାଣ ବର୍ଷାରେ ବେହାଲ ବିହାର । ଜନଜୀବନ ଅସ୍ତବ୍ୟସ୍ତ ହେବା ସହ ନଷ୍ଟ ହୋଇଛି କୋଟି କୋଟି ଟଙ୍କାର ସମ୍ପତ୍ତି । ଏମିତିରେ ଫଳ ବେପାରିଙ୍କ ଦୁଃଖ କହିଲେ ନସରେ । ମୁଣ୍ଡେ ମୁଣ୍ଡେ ପାଣିରେ ପଚି ଗଲାଣି ଫଳ ସବୁ । ଫଳରେ କୋଟି କୋଟି ଟଙ୍କାର କ୍ଷତି ସହିଲେଣି ବେପାରୀ ।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ
ସୂଚନା ମୁତାବକ ବିହାରରେ ଲଗାଣ ବର୍ଷା ଯୋଗୁଁ ଏକ ପ୍ରକାର ବନ୍ୟା ପରିସ୍ଥିତି ସୃଷ୍ଟି ହୋଇଛି । ହଜାର ହଜାର ଲୋକ ଜଳବନ୍ଦୀ ହୋଇଥିବା ବେଳେ ପ୍ରଶାସନ ତରଫରୁ ଉଦ୍ଧାର କାର୍ଯ୍ୟ ଜାରି ରହିଛି । ହେଲେ ପ୍ରକୃତିର କହରରୁ ବଞ୍ଚିପାରିନାହାନ୍ତି ଫଳ ବ୍ୟବସାୟୀ । ଅଧା ଫଳ ପାଣିରେ ଭାସି ଯାଇଥିବା ବେଳେ ଅଧା ପାଣିରେ ବୁଡି ପଚି ଯାଇଛି ।
କହିବାକୁ ଗଲେ ନିଜ ଜୀବିକାକୁ ହରାଇ ଏକ ପ୍ରକାର ଭାଙ୍ଗି ପଡିଛନ୍ତି ପାଟନାର ଫଳ ବେପାରୀ । ତେଣେ ଏନେଇ ସରକାରଙ୍କ ତରଫରୁ କୌଣସି ସହାୟତା ନ ମିଳିଥିବା ଅଭିଯୋଗ କରିଛନ୍ତି ବ୍ୟବସାୟୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
