ଲକ୍ଷ୍ନୌ: ହାଥରସ ଗଣଦୁଷ୍କର୍ମ ଓ ହତ୍ୟା ମାମଲାରେ ସିବିଆଇ ଟିମ୍ ପୁଣି ଥରେ ପ୍ରତ୍ୟକ୍ଷଦର୍ଶୀ ବିକ୍ରମଙ୍କୁ ପଚରାଉଚରା କରୁଛି। ଦ୍ବିତୀୟ ଥର ପାଇଁ ପଚରାଉଚରା ପାଇଁ ସିବିଆଇ ଟିମ୍ ବିକ୍ରମକୁ ଡକେଇଛି । ବର୍ତ୍ତମାନ ସୁଦ୍ଧା ବିକ୍ରମ ଯେଉଁ ବିଷୟରେ ସୂଚନା ଦେଇଛି, ଏଥିରୁ ପୀଡିତାଙ୍କ ପରିବାର ପ୍ରତି ଅଧିକ ସନ୍ଦେହ ଯାଉଛି ।
ବିକ୍ରମ କହିଛି ଯେ ସେପ୍ଟେମ୍ବର 14 ରେ ସେ ନିଜ ଜମିରେ ଚାରା ଲଗାଉଥିବା ବେଳେ ଝିଅର ଚିତ୍କାର ଶୁଣାଯାଇଥିଲା । ଘଟଣାସ୍ଥଳରେ ପହଞ୍ଚିବା ବେଳକୁ ଝିଅଟି ଜମିରେ କ୍ଷତାକ୍ତ ଅବସ୍ଥାରେ ପଡିଥିଲା ଓ ପାଖରେ ମା ଓ ଭାଇ ଛିଡା ହୋଇଥିଲେ । ଏହାପରେ ବିକ୍ରମ ଦୌଡି ଯାଇ ନିଜ ମା ଙ୍କ ପାଖକୁ ଗଲେ । ବିକ୍ରମ ଦାବି କରିଛନ୍ତି ଯେ ସେ ଫେରିବା ପରେ ଝିଅର ଭାଇ ଯାଗା ଛାଡି ପଳାଇଥିଲା ଓ କେବଳ ପୀଡିତାଙ୍କ ମା ଏକାକୀ ଥିଲେ ।
