ଗାନ୍ଧିନଗର: ଗୁଜୁରାଟର ଅହମ୍ମଦାବାଦରେ ଅଭାବନୀୟ ଘଟଣା। ଏକ ଆପାର୍ଟମେଣ୍ଟରୁ ଗୋଟିଏ ପରିବାରର 6 ଜଣ ସଦସ୍ୟଙ୍କ ମୃତଦେହ ଉଦ୍ଧାର । ଅହମ୍ମଦାବାଦର ଭାଟଭା ଜିଟିଡିସି ଅଞ୍ଚଳରେ ଏକ ଆପାର୍ଟମେଣ୍ଟରେ 42 ବର୍ଷୀୟ ଅମ୍ରିଶ ପଟେଲ ଏବଂ 40 ବର୍ଷୀୟ ଗୌରଙ୍ଗ ପଟେଲ ଏବଂ ସେମାନଙ୍କ ଚାରି ପିଲାଙ୍କ ମୃତଦେହ ମିଳିଛି ।
ପୋଲିସ କହିବାନୁସାରେ, ଏମାନେ ସଂପର୍କରେ ଦୁଇ ଭାଇ । ସହରର ବିଭିନ୍ନ ସ୍ଥାନରେ ଏମାନଙ୍କର ଘର ରହିଛି । ସେମାନେ ସେଠାକୁ ଯାଆସ କରନ୍ତି। ଜୁନ୍ 17 ରେ ସେମାନେ ବାହାରକୁ ବୁଲି ଯିବା ନେଇ ପତ୍ନୀଙ୍କୁ ଜଣାଇବା ପରେ ପିଲାମାନଙ୍କ ସହିତ ନିଜ ଘରୁ ବାହାରିଥିଲେ । କିନ୍ତୁ ଗୁରୁବାର ରାତି ପର୍ଯ୍ୟନ୍ତ ନ ଫେରିବାରୁ ପତ୍ନୀମାନେ ଖାଲି ଥିବା ଫ୍ଲାଟକୁ ଯାଇଥିଲେ । ତଥାପି ସେମାନେ ଭିତର ପଟରୁ ତାଲା ପଡ଼ିଥିବାର ଦେଖିଲେ। ଫଳରେ ସେମାନେ ପୋଲିସକୁ ଖବର ଦେଇଥିଲେ।"
ଇନ୍ସପେକ୍ଟର ଗୋହିଲଙ୍କ କହିବା ଅନୁସାରେ, ଦୁଇ ଭାଇ ପ୍ରଥମେ ପିଲାମାନଙ୍କୁ ବିଷାକ୍ତ ଖାଦ୍ୟ ଦେଇ ନିଜେ ଫାଶୀ ଲଗାଇ ଆତ୍ମହତ୍ୟା କରିଥାଇ ପାରନ୍ତି । ଡ୍ରଇଂ ରୁମରେ ଦୁଇ ଜଣଙ୍କ ମୃତଦେହ, 9 ବର୍ଷୀୟ କୀର୍ତ୍ତୀ ଏବଂ 7 ବର୍ଷ ବୟସ୍କା ସାନଭି ରୋଷେଇ ଘରେ ଏବଂ ଦୁଇ 12 ବର୍ଷର ପୁଅ ମୟୂର ଏବଂ ଧୃଭଙ୍କ ମୃତଦେହ ବେଡରୁମରୁ ଉଦ୍ଧାର କରାଯାଇଥିଲା । ବର୍ତ୍ତମାନ ସୁଦ୍ଧାର ମୃତ୍ୟୁର କାରଣ ଜଣାପଡିନାହିଁ । ମୃତଦେହକୁ ଫୋରେନସିକ୍ ପରୀକ୍ଷା ପାଇଁ ପଠାଯାଇଛି ଏବଂ ଅଧିକ ତଦନ୍ତ ଚାଲିଛି ବୋଲି ପୋଲିସ କହିଛି।
