ଗାନ୍ଧୀନଗର: ଦିଲ୍ଲୀ ପରେ ଗୁଜୁରାଟରେ ଆଇଏସଆଇଏସ ମଡ୍ୟୁଲର ପର୍ଦ୍ଦାଫାସ । ଗୁଜୁରାଟର ଭଦୋଦରା ନିକଟରେ ଆତଙ୍କବାଦୀ ସଂଗଠନ ଆଇଏସର ଜଣେ ଆତଙ୍କବାଦୀକୁ ଗିରଫ କରିଛି ଆତଙ୍କବାଦୀ ନିରୋଧୀ ସ୍କ୍ବାର୍ଡ(ଏଟିଏସ) । ଗିରଫ ଆତଙ୍କବାଦୀ ଜଣକ ତାମିଲନାଡୁର ଜଫର ଅଲ୍ଲୀ ବୋଲି ଜଣାପଡିଛି ।
ଭିଡିଓ ସୌଜନ୍ୟ: ଇଟିଭି ଭାରତ
ତାମିଲନାଡୁର କୁଡ୍ଡାଲୋର ଜିଲ୍ଲାର ଜଫର ଅଲ୍ଲୀ ଭଦୋଦରାର ଗୋରବା ଅଞ୍ଚଳରେ ରହି ଗୁଜୁରାଟରେ ଆଇଏସଆଇଏସ ମଡ୍ୟୁଲ ପ୍ରସ୍ତୁତ କରିବାର ଯୋଜନା କରୁଥିଲା । ସେ ଭଦୋଦରାରୁ ସଟେ ଭରୁଚ ଜିଲ୍ଲାର କେତେକ ଗ୍ରାମରେ ସ୍ଲିପର ସେଲ ପ୍ରସ୍ତୁତ କରୁଥିଲା । ତେବେ ଏନେଇ ଗୁଇନ୍ଦା ସୂଚନା ମିଳିବା ପରେ ଏଟିଏସ ସେଠାରେ ଚଢାଉ କରିଥିଲା । ଏହି ଚଢାଉ ବେଳେ ଏଟିଏସ ଅଲ୍ଲୀକୁ ଗିରଫ କରିଛି ।
