ଡେରାଡୁନ: ତୁଷାରପାତ ପାଇଁ ବନ୍ଦ ହେଲା ରାସ୍ତା । ବିବାହ ପାଇଁ ଆସିଥିବା ବର 4 କିଲୋମିଟର ଚାଲିଚାଲି ଗଲା କନ୍ୟା ଘରକୁ। ଏଭଳି ଘଟଣା ଘଟିଛି ଉତ୍ତରାଖଣ୍ଡ ଚମୋଲି ଜିଲ୍ଲାରେ ।
ତୁଷାରପାତରେ ରାସ୍ତା ବନ୍ଦ; ବିବାହ ପାଇଁ 4 କିଲୋମିଟର ଚାଲିଲା ବର
ଉତ୍ତରାଖଣ୍ଡରେ ପ୍ରବଳ ତୁଷାରପାତ ଯୋଗୁଁ ବରଫ ଚଦରରେ ଢାଙ୍କି ହୋଇ ରହିଛି ଜିଲ୍ଳାର ବହୁ ଅଞ୍ଚଳ। ଏନେଇ ଚମୋଲି ଜିଲ୍ଲାର ବିଜରା ଗ୍ରାମର ବିବାହ ପାଇଁ ଯାଉଥିବା ଏକ ବରଯାତ୍ରୀ ଦଳକୁ ହଟହଟା ହେବାକୁ ପଡିଛି। ତୁଷାରପାତ ଯୋଗୁଁ ରାସ୍ତାଘାଟ ବନ୍ଦ ଥିବା ଯୋଗୁଁ 4 କିଲୋମିଟର ଚାଲିଚାଲି ବରଯାତ୍ରୀ ନେଇ ବର ପହଞ୍ଚିଥିଲେ ଲୁନଟ୍ରା ଗ୍ରାମର କନ୍ୟା ଦୀପାଙ୍କ ଘରେ। ତୁଷାରପାତରୁ ବର୍ତ୍ତିବା ପାଇଁ ବରପକ୍ଷ ଲୋକ ଛତା ଧରି ଏକ କଚ୍ଚା ରାସ୍ତାରେ କନ୍ୟା ଘରେ ପହଞ୍ଚିଥିଲେ। ସାଧାରଣତଃ ବସନ୍ତପଞ୍ଚମୀ ସମୟରେ ଏଠାରେ ବିବାହ ଭଳି ବିଭିନ୍ନ ପୁଣ୍ୟକାର୍ଯ୍ୟ ସମ୍ପାଦିତ ହୋଇଥାଏ ।
