ନୂଆଦିଲ୍ଲୀ: ଗତ ଥରର ଅମରନାଥ ଯାତ୍ରା ସ୍ବଚାରୁ ରୂପେ ପରିଚାଳନା ପାଇଁ ସ୍ଥାନୀୟ ମୁସଲିମ ସଂପ୍ରଦାୟର ଭାଇ ଭଉଣୀଙ୍କୁ ପ୍ରଶଂସା । ଜମ୍ମୁ-କଶ୍ମୀର ରାଜ୍ୟପାଳ ସତ୍ୟପାଲ ମଲ୍ଲିକ ଯାତ୍ରାର ସଫଳତା ପାଇଁ ସ୍ଥାନୀୟ ମୁସଲିମ ଲୋକଙ୍କ ଭୂମିକାକୁ ଭୁରିଭୁରି ପ୍ରଶଂସା କରିଛନ୍ତି । ଏପରିକି ଚଳିତ ବର୍ଷ ଅମରନାଥ ଯାତ୍ରାର ସଫଳ ପରିଚାଳନା ପାଇଁ ଆହ୍ବାନ ଦେଇଛନ୍ତି ।
ଲୋକଙ୍କ ସୁରକ୍ଷା ଆମର ପ୍ରାଥମିକତା । ହେଲେ ସ୍ଥାନୀୟ ଲୋକଙ୍କ ସାହାଯ୍ୟ ଓ ସହଯୋଗ ଗୁରୁତ୍ବପୂର୍ଣ୍ଣ । ଅମରନାଥ ଯାତ୍ରା ସର୍ବଦା କାଶ୍ମୀରବାସୀ ଆୟୋଜନ କରୁଥିବା ବେଳେ ବିଶେଷ କରି ଏହି ଯାତ୍ରାରେ ସ୍ଥାନୀୟ ମୁସଲିମ ଭାଇଭଉଣୀଙ୍କ ଯୋଗଦାନ ମଧ୍ୟ ମହତ୍ବପୂର୍ଣ୍ଣ । ସରକାର ବାର୍ଷିକ ତୀର୍ଥଯାତ୍ରାର ସଫଳତା ନେଇ ସୁରକ୍ଷା ଠାରୁ ଆରମ୍ଭ କରି ସମସ୍ତ ଆନୁସଙ୍ଗିକ ସାମଗ୍ରୀ ଯୋଗାଇଥାନ୍ତି । ଏପରିକି ପୋଲିସ କିମ୍ବା ସେନା ପକ୍ଷରୁ ଯାତ୍ରାର ସୁରକ୍ଷା ବ୍ୟବସ୍ଥା ଯାଞ୍ଚ ହେଉଥିଲେ ମଧ୍ୟ ସ୍ଥାନୀୟ ମୁସଲମାନଙ୍କ ଭୂମିକା ଖାସ୍ ଏବଂ ସ୍ବତନ୍ତ୍ର ବୋଲି ଜମ୍ମୁ କାଶ୍ମୀର ରାଜ୍ୟପାଳ କହିଛନ୍ତି । ତେବେ ସୋମବାର ଠାରୁ ଆରମ୍ଭ ହେଉଛି ଚଳିତ ବର୍ଷର ଅମରନାଥ ଯାତ୍ରା । ଯାହା ଆସନ୍ତା 15 ତାରିଖ ପର୍ଯ୍ୟନ୍ତ ଚାଲିବ ।
