ଚେନ୍ନାଇ : କଷ୍ଟମ ବିଭାଗକୁ ସଫଳତା । ଚେନ୍ନାଇ ବିମାନବନ୍ଦରରୁ 23.6 ଲକ୍ଷ ମୂଲ୍ୟର ସୁନା ଜବତ । ରବିବାର ଚେନ୍ନାଇ ଅନ୍ତର୍ଜାତୀୟ ବିମାନବନ୍ଦରରରୁ ଜଣେ ଯାତ୍ରୀଙ୍କ ଠାରୁ 463 ଗ୍ରାମ ସୁନା ଜବତ ହୋଇଛି । ଯାତ୍ରୀ ଜଣକ ଇଣ୍ତିଗୋ ବିମାନରେ ଦୁବାଇରୁ ଆସିଥିବା ଜଣାପଡିଛି। କଷ୍ଟମ୍ସ କମିଶନରଙ୍କ ସୂଚନା ଅନୁସାରେ, ଯାତ୍ରୀ ଜଣକ 406 ଗ୍ରାମ ସୁନାକୁ ତରଳାଇ ଟେପରେ ବିମାନ ସିଟରେ ଲଗାଇ ଦେଇଥିଲେ । ବିମାନରୁ ଓହ୍ଲାଇବା ସମୟରେ ତାଙ୍କୁ ଧରିଥିଲା କଷ୍ଟମ ବିଭାଗ।
ସେହି ବିମାନରୁ ମଧ୍ୟ ଅନ୍ୟ ଜଣେ ଯାତ୍ରୀ କଲିଲ ରେହେମାନଙ୍କ ଠାରୁ ସୁନା ଜବତ ହୋଇଛି । ବିମାନବନ୍ଦରରୁ ବାହାରିବା ସମୟରେ ତାଙ୍କ ଠାରୁ 176 ଗ୍ରାମ ଓଜନର ଗୋଟିଏ ସୁନା ପେଷ୍ଟ ବଣ୍ଡଲ ଜବତ କରାଯାଇଥିଲା । ଯାହାର ମୂଲ୍ୟର 7.84 ଲକ୍ଷ ବୋଲି ସୂଚନା ମିଳିଛି ।
@ ANI
