ଥିରୁଅନନ୍ତପୁରମ: ବଢୁଛି ବିମାନରେ ଚୋରାରେ ସୁନା ଚାଲାଣ କାରବାର । କେରଳର ମାଲାପୁରମର କାରିପୁର ବିମାନବନ୍ଦରରୁ 245ଗ୍ରାମର ସୁନା ଜବତ ହୋଇଛି । ଜବତ ସୁନାର ମୂଲ୍ୟ 12ଲକ୍ଷରୁ ଅଧିକ ହେବା ନେଇ ଅନୁମାନ କରାଯାଉଛି ।
ସୋମବାର ଦୁବାଇରୁ କେରଳ ଆସୁଥିବା ଏକ ବିମାନରୁ 245ଗ୍ରାମର ସୁନା ଜବତ କରିଛି କଷ୍ଟମ ବିଭାଗ । ଆକାରରେ ଗୋଟିଏ ସୁନା ବଙ୍କା ରଡ୍ ଭଳି ହୋଇଥିବା ବେଳେ ଆଉ ଗୋଟିଏ ମୋଟା ଝିଞ୍ଜୁର ଭଳି ରହିଥିଲା । ଜବତ ସୁନାର ଆନୁମାନିକ ମୂଲ୍ୟ 12ଲକ୍ଷରୁ ଅଧିକ ହେବ ବୋଲି କହିଛି ବିଭାଗ ।
ଦୁବାଇରୁ ହାମସା ନାମକ ଜଣେ ବ୍ୟକ୍ତି ଚୋରାରେ ସୁନା ଆଣୁଥିବା ଜଣା ପଡିଛି । ସେ ଦୁବାଇରୁ କେରଳ ନିଜ ଘର କାସାଗୋଡକୁ ଫେରୁଥିଲେ । ପୋଲିସ ଘଟଣାରେ ହାମସାଙ୍କୁ ଗିରଫ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
