ପାଣାଜୀ: ସୋମବାର ଶେଷ ହେଉଛି ଗୋଆର ଲକଡାଉନ । କୋରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର ଜୁଲାଇ 17ରୁ 20ତାରିଖ ପର୍ଯ୍ୟନ୍ତ ରାଜ୍ୟରେ ଲକଡାଉନ କଟକଣା ଜାରି କରିଥିଲେ । କଟକଣା ଉଠାଯାଇଥିଲେ ମଧ୍ୟ ରାତ୍ରକାଳୀନ କର୍ଫ୍ୟୁ ଅଗଷ୍ଟ 10 ପର୍ଯ୍ୟନ୍ତ ବଳବତ୍ତର ରହିବ । ଏନେଇ ଗୋଆ ସରକାରଙ୍କ ଅଫିସିଆଲ ଟୁଇଟର ହ୍ୟାଣ୍ତେଲରେ ପ୍ରକାଶ ପାଇଛି ।
ତେବେ ରାଜ୍ୟର ମୋରମୁଗୋଆରେ କୋଭିଡ ଆକ୍ରାନ୍ତଙ୍କ ସଂଖ୍ୟା 1,425 ରହିଥିବା ବେଳେ 19 ଟି ସକ୍ରିୟ ମାମଲା ରହିଛି । ତେଣୁ ସରକାର ସଂକ୍ରମଣକୁ ରୋକିବାକୁ ମୋରମୁଗାଓଁ ତଲୁକାରେ ଜୁଲାଇ 24 ସକାଳ 6ଟା ପର୍ଯ୍ୟନ୍ତ ଲକଡାଉନ କଟକଣା ଜାରି ରଖିବେ ବୋଲି ନିଷ୍ପତି ନେଇଛନ୍ତି । ପଜେଟିଭ ମାମଲା ଅଧିକ ଥିବାରୁ ମୋରମୁଗାଓଁ ତଲୁକା ଏବେ କଣ୍ଟେନମେଣ୍ଟ ଜୋନରେ ରହିଛି ।
ସୌଜନ୍ୟ @ IANS
