ମୁମ୍ବାଇ: ରାସ୍ତାରେ ଫାଟିଲା ଗ୍ୟାସ ଟ୍ୟାଙ୍କର । ଗତ ମଙ୍ଗଳବାର ବିଳମ୍ବିତ ରାତିରେ ମହାରାଷ୍ଟ୍ରର ତମଲୱାଡିରେ ଏକ ଗ୍ୟାସ ଟ୍ୟାଙ୍କର ଫାଟି ଭୟାବହ ଅଗ୍ନିକାଣ୍ଡ ଘଟିଛି ।
ରାସ୍ତାରେ ଫାଟିଲା ଗ୍ୟାସ ଟ୍ୟାଙ୍କର
ସୂଚନା ଅନୁଯାୟୀ, ଟ୍ୟାଙ୍କରରେ ଘରୋଇ ବ୍ୟବହାର ହେଉଥିବା ଗ୍ୟାସ ଟାଙ୍କି ଗରମ ହୋଇ ହଠାତ୍ ଫାଟି ଯାଇଥିଲା । ତେବେ ଟ୍ୟାଙ୍କର ଫାଟିବାର ଶଦ୍ଦ ଏତେ ଜୋର ଥିଲା ଯେ 15 କିଲୋମିଟର ଦୂରରେ ଥିବା ଗାଁ ଲୋକେ ଶଦ୍ଦ ଶୁଣି କାନରେ ହାତ ଦେଇଥିଲେ । ତେବେ ଘଟଣାକୁ ଦୃଷ୍ଟିରେ ରଖି କିଛି ସମୟ ପାଇଁ ଯାତାୟତକୁ ଠପ୍ କରାଯାଇଥିଲା ।
ଖବର ପାଇ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଥିବା ବେଳେ ଏହି ଘଟଣାରେ କ୍ଷତି ହୋଇନଥିବା ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
