ବେଙ୍ଗାଲୁର: କଂଗ୍ରେସ ସହିତ ଆଗାମୀ ଦିନରେ ଜେଡ଼ିଏସର ମେଣ୍ଟ ରହିବ କି ତୁଟିବ, ତାହାକୁ ନେଇ ଜୋର ଧରିଛି ରାଜନୈତିକ ଚର୍ଚ୍ଚା । ଆଉ ଏହାରି ଭିତରେ ରବିବାର ମେଣ୍ଟ ସଙ୍କଟର ଖୁଲାସା କରିଛନ୍ତି ପୂର୍ବତନ ପ୍ରଧାନମନ୍ତ୍ରୀ ତଥା ଜେଡ଼ିଏସ୍ ମୁଖ୍ୟ ଏଚ୍.ଡ଼ି ଦେବଗୌଡ଼ା ।
ସେ ଆହୁରି କହିଛନ୍ତି, ଯଦି କଂଗ୍ରେସ ସହମତି ପ୍ରକାଶ କରେ ତେବେ ବିଧାନସଭାରେ ବିଧାୟକ ଦଳ ନେତା ସିଦ୍ଧରମୈୟା ହୋଇପାରିବେ । ଆମେ ଦଳ କୌଣସି ଆପତ୍ତି ମଧ୍ୟ ଉଠାଇବ ନାହିଁ । ପୁଅ ତଥା ପୂର୍ବ ମୁଖ୍ୟମନ୍ତ୍ରୀ ଏଚ୍.ଡ଼ି କୁମାରସ୍ବାମୀ ବିରୋଧିଦଳ ନେତା ହେବାର ନାହିଁ ବୋଲି କହିଛନ୍ତି ଦେବଗୌଡ଼ା ।
ସମ୍ବାଦିକଙ୍କ ପ୍ରଶ୍ନର ଜବାବରେ ସେ କହିଛନ୍ତି କଂଗ୍ରସର ସଭାପତି ରାହୁଲ ଗାନ୍ଧୀ ଓ କେନ୍ଦ୍ରୀୟ ନେତୃବୃନ୍ଦଙ୍କ ସହ ଆଲୋଚନା ହୋଇ ରାଜ୍ୟରେ ଗଠବନ୍ଧନ ହୋଇଥିଲା । ତେଣୁ ବର୍ତ୍ତମାନ ପରିସ୍ଥିତିରେ ମେଣ୍ଟ ରହିବା ଏବଂ ତୁଟିବ କଂଗ୍ରେସ ହାଇକମାଣ୍ଡଙ୍କ ଉପରେ ନିର୍ଭର କରେ ବୋଲି କହିଛନ୍ତି ଜେଡ଼ିଏସ୍ ମୁଖ୍ୟ ।
