ନୂଆଦିଲ୍ଲୀ: ଜୁଲାଇ 20ରୁ ଲାଗୁ ହେବ ପଭୋକ୍ତା ସଂରକ୍ଷଣ ଆଇନ 2019 । ଏନେଇ ଟ୍ବିଟ ଯୋଗେଁ ସୂଚନା ଦେଇଛନ୍ତି କେନ୍ଦ୍ର ଯୋଗାଣ ମନ୍ତ୍ରୀ ରାମବିଶାଶ ପାଶୱାନ । ଏହି ଆଇନ ଲାଗୁ ହେବା ଦ୍ବାରା ଏଣିକି ଗ୍ରାହକଙ୍କୁ ମିଛ ବିଜ୍ଞାପନ ଦେଖାଇ ଠକୁଥିବାକମ୍ପାନୀଙ୍କ ବିରୁଦ୍ଧରେ ନିଆଯିବ କଡା କାର୍ଯ୍ୟାନୁଷ୍ଠାନ । ଯଦି ତାଙ୍କ ବିଜ୍ଞାପନ ମିଛ ପ୍ରମାଣିତ ହେଲେ ଏପରିକି ଜେଲଦଣ୍ଡ ମଧ୍ୟ ଭୋଗିବାକୁ ପଡିପାରେ ।
କେବଳ ଏତିକି ନୁହେଁ, ଏହି ନୂଆ ନିୟମରେ ଜଣେ ଗ୍ରାହକ ଯେଉଁ ସ୍ଥାନରେ ଥାଇ ମଧ୍ୟ ଅଭିଯୋଗ କରିପାରି ମାମଲା ରୁଜୁ କରିପାରିବେ । ଏଥିପାଇଁ ସେ ଯେଉଁସ୍ଥାନରୁ ପ୍ରଡକ୍ଟ କିଣିଥିବେ, ସେହି ସ୍ଥାନକୁ ଆଉ ଯିବାକୁ ପଡିବନି । ଏହି ନୂଆ ଆଇନ 34 ବର୍ଷ ପୁରୁଣା ଅର୍ଥାତ୍ 1986 ମସିହା ଆଇନର ସ୍ଥାନ ନେବ । ଏନେଇ ଖୋଦ କେନ୍ଦ୍ରୀୟ ଉପଭୋକ୍ତା ଓ ଖାଦ୍ୟ ଯୋଗାଣ ମନ୍ତ୍ରୀ ରାମବିଳାଶ ପାଶୱାନ ଟ୍ବିଟ କରି ସୂଚନା ଦେଇସାରିଛନ୍ତି ।
କ'ଣ ଏହି ଉପଭୋକ୍ତା ସଂରକ୍ଷଣ ଆଇନ ? କ'ଣ ରହିଛି ଏହାର ଅଧିକାର...
- ସୁରକ୍ଷା ନିରାପତ୍ତା ଅଧିକାର: ଏହା ଅଧୀନରେ ଗ୍ରାହକଙ୍କୁ ଯେକୌଣସି ଦ୍ରବ୍ୟ କିମ୍ବା ସେବାର ମାର୍କେଟିଂ ଦ୍ବାରା କୌଣସି ଧନ ଜୀବନ କିମ୍ବା ସମ୍ପତ୍ତି ନଷ୍ଟରୁ ସୁରକ୍ଷା ଦେବ ।
- ସୂଚନା ଅଧିକାର: ଗ୍ରାହକଙ୍କୁ ପ୍ରଡକ୍ଟ ସମ୍ବନ୍ଧୀୟ ଉତ୍ପାଦର ଗୁଣବତ୍ତା, ଏହାର ପରିମାଣ, ଶୁଦ୍ଧତା, ମୂଲ୍ୟ ଇତ୍ୟାଦି ବିଷୟରେ ସଠିକ୍ ସୂଚନା ଦିଆଯିବାର ସମସ୍ତ ଅଧିକାର ଅଛି ।
- କମ କରିବାର ଅଧିକାର: ଏହା ଅଧୀନରେ ଗ୍ରାହକଙ୍କୁ ବିଭିନ୍ନ ସାମଗ୍ରୀ ଏବଂ ସେବା ଉପଲବ୍ଧ କରାଯାଏ, ଯାହାଦ୍ବାରା ସେ ତାଙ୍କ ପାଇଁ ଉଦ୍ଦିଷ୍ଟ ଉପଯୁକ୍ତ ଦ୍ରବ୍ୟ କିମ୍ବା ସେବାକୁ ଚୟନ କରିପାରିବେ ।
- ଶୁଣିବାର ଅଧିକାର: ଗ୍ରାହକଙ୍କ ଶୁଣିବାର ଅଧିକାର ଅଛି । ଯଦି ତାଙ୍କର ଏନେଇ କୌଣସି ଅସୁବିଧା ଅଛି, ତେବେ ତାଙ୍କ ଅଭିଯୋଗ ଫୋରମରେ ଶୁଣାଣି କରାଯିବ ।
- ଗ୍ରାହକଙ୍କ ମଧ୍ୟ କୌଣସି ଭୁଲ ପ୍ରାକ୍ଟିସ ବିରୁଦ୍ଧରେ ଅଭିଯୋଗ କରିବାର ଅଧିକାର ଅଛି, ଯାହାଦ୍ବାରା ଏହାର ଶୋଷଣ କରାଯାଇ ପାରିବନାହିଁ ।
-ଉପଭୋକ୍ତା ଶିକ୍ଷା ଅଧିକାର: ଅର୍ଥାତ୍ ଜଣେ ଗ୍ରାହକ ନିଜ ସମ୍ବନ୍ଧରେ ତାଙ୍କ ଜୀବନସାରା ସମ୍ପୂର୍ଣ୍ଣ ସୂଚନା ବାବଦରେ ତତ୍ୟ ରଖୁଥିବା ଗ୍ରାହକ ରହିବେ, ଯାହାଦ୍ବାରା ସେ ଶୋଷଣ ବା ଠକେଇରୁ ରକ୍ଷା ପାଇବେ ।
