ନୂଆଦିଲ୍ଲୀ: ଲୋକସଭା ନିର୍ବାଚନର ଫଳାଫଳ ବାହାରି ସାରିଛି । ଦେଶରେ ବହୁମତ ପାଇ ବିଜେପି ପୁଣି ଥରେ ଦେଶରେ ଶାସନ କରିବାକୁ ଯାଉଛି । ଏହି ପରିପ୍ରେକ୍ଷୀରେ ବିଜେପି କାର୍ଯ୍ୟାଳୟଠାରୁ ଆରମ୍ଭ କରି ଦେଶର ବିଭିନ୍ନ ସ୍ଥାନରେ ଏହି ଖୁସିରେ ଉତ୍ସବ ପାଳନ କରିଯାଉଛି । ତେବେ ଏହା ମଧ୍ୟରେ ଗୁଜୁରାଟର ରାଜକୋଟରେ ଏକ ଭିନ୍ନ ଦୃଶ୍ୟ ଦେଖିବାକୁ ମିଳିଛି । ମୋଦୀଙ୍କ ଐତିହାସିଲ ଜିତରେ ଖୁସି ହୋଇ ଜଣେ ପେଟ୍ରୋଲ ପମ୍ପ ମାଲିକ ମାଗଣାରେ ପେଟ୍ରୋଲ ବାଣ୍ଟିଛନ୍ତି ।
ସୂଟନା ଅନୁଯାୟୀ, ଏହି ପେଟ୍ରୋଲ ପମ୍ପଟି ଗୋପାଳ ଚୁତସମା ନାମକ ଜଣେ ବ୍ୟକ୍ତିଙ୍କର ଅଟେ । ତେବେ ଗୋପାଳ ବିଜେପି ଜିତିବା ଖୁସିରେ ଏତେମାତ୍ରାରେ ଖୁସି ହୋଇଥିଲେ କି ସେ ଅଟୋବାଲାଙ୍କୁ ମାଗଣାରେ ପେଟ୍ରୋଲ ବାଣ୍ଟିଥିଲେ ।
ମିଡିଆ ରିପୋର୍ଟ ଅନୁଯାୟୀ, ଯେତେବେଳେ ପେଟ୍ରୋଲ ପମ୍ପ ମାଲିକ ମାଗଣାରେ ପେଟ୍ରୋଲ ବାଣ୍ଟିବା ପାଇଁ ଘୋଷଣା କରିଥିଲେ, ସେଠାରେ ଆଟୋ ବାଲାଙ୍କପର ଲାଇନ ଲାଗିଥିଲା । ତେବେ ଗୁରୁବାର ସକାଳରୁ ସନ୍ଧ୍ୟା ପର୍ଯ୍ୟନ୍ତ ସେ ପାଖାପାଖି 200 ଅଟୋବାଲାଙ୍କୁ ମାଗଣାରେ ପେଟ୍ରୋଲ ବାଣ୍ଟିଥିଲେ ।
