ତାମିଲନାଡୁ ଲିଗ୍ନାଇଟ ପ୍ଲାଣ୍ଟରେ ବିସ୍ଫୋରଣ: ବଏଲର ଫାଟି 5 ମୃତ, 12 ଆହତ

ତାମିଲନାଡୁର ଏକ ପ୍ଲାଣ୍ଟରେ ବୁଧବାର ବଡ ଧରଣର ବିସ୍ଫୋରଣ ଘଟି 5 ଜଣଙ୍କର ମୃତ୍ୟୁ ଘଟିଥିବାବେଳେ 12 ଜଣ ଗୁରୁତର ଆହତ ହୋଇଥିବା ଜଣାପଡିଛି ।

ଚେନ୍ନାଇ: ତାମିଲନାଡୁର ଏକ ପ୍ଲାଣ୍ଟରେ ବୁଧବାର ବଡ ଧରଣର ବିସ୍ଫୋରଣ ଘଟିଛି । ଏହି ବିସ୍ଫୋରଣରେ 5 ଜଣଙ୍କର ମୃତ୍ୟୁ ଘଟିଥିବାବେଳେ 12 ଜଣ ଗୁରୁତର ଆହତ ହୋଇଥିବା ଜଣାପଡିଛି । ସେମାନଙ୍କୁ ତାମିଲନାଡୁର ଏକ ଘରୋଇ ଡାକ୍ତଖାନାରେ ଭର୍ତ୍ତି କରାଯାଇଥିବା ଜଣାପଡିଛି ।

ନେଭେଲି ଲିଗ୍ନାଇଟ୍‌ ପ୍ଲାଣ୍ଟର ଷ୍ଟେଜ-2ସ୍ଥିତ ବଏଲରରେ ଏହି ବିସ୍ଫୋରଣ ଘଟିଥିବା ଜଣାପଡିଛି । ବିସ୍ଫୋରଣ ପରେ ଘଟଣାସ୍ଥଳରେ 2 ଜଣଙ୍କର ମୃତ୍ୟୁ ଘଟିଥିଲା । ଅନ୍ୟ 12 ଜଣ ଗୁରୁତର ଆହତ ହୋଇଥିଲେ । ଅନ୍ୟମାନଙ୍କ ଚିକିତ୍ସା ଜାରି ରହିଥିବା ଜଣାପଡିଛି ।

ସୂଚନାଯୋଗ୍ୟ ଯେ, ଗତ ମାସରେ ଏଭଳି ଏକ ଦୁର୍ଘଟଣା ଘଟି 8 ଜଣଙ୍କର ଜୀବନ ଯାଇଥିଲା ।