ଥିରୁଅନନ୍ତପୁରମ: କେରଳର ପୂର୍ବତନ ରଣଜୀ ଟ୍ରଫି କ୍ରିକେଟର ଜୟମୋହନ ଥାମ୍ପିଙ୍କୁ ହତ୍ୟା । ସୋମବାର ଥିରୁଅନନ୍ତପୁରମ ମାନାକାଉଡରେ ଥିବା ବାସଭବନରେ ଜୟମୋହନଙ୍କ ମୃତଦେହ ମିଳିଥିବା ପୋଲିସ କହିଛି। ଏହି ହତ୍ୟା ମାମଲାରେ ପୋଲିସ ତାଙ୍କ ପୁଅ ଅଶ୍ୱିନଙ୍କୁ ଗିରଫ କରିଛି ।
ପୋଲିସ ସୂଚନାମୁତାବକ, ଜୟମୋହନଙ୍କ ପୁଅ ଅଶ୍ବିନ ତାଙ୍କୁ ଠେଲି ଦେଇଥିବା ବେଳେ କପାଳରେ ଗଭୀର ଆଘାତ ହେତୁ 64 ବର୍ଷିୟ ଥାମ୍ପିଙ୍କର ମୃତ୍ୟୁ ହୋଇଛି । ସୋମବାର ସକାଳେ ଅଶ୍ୱିନଙ୍କ ଘରୁ ଦୁର୍ଗନ୍ଧ ଆସିବାରୁ ଭଡ଼ାଟିଆମାନେ ଅଭିଯୋଗ କରିଥିଲେ । ଫଳରେ ପୋଲିସ ଆସି ଗୋଟିଏ କୋଠରୀରର ଚଟାଣରେ ଜୟମୋହନଙ୍କ ମୃତଦେହ ପଡ଼ିଥିବା ଦେଖିବାକୁ ପାଇଥିଲେ । ଅତି କମରେ ଦୁଇ ଦିନ ପୂର୍ବରୁ ଏହି ମୃତ୍ୟୁ ହୋଇଥାଇପାରେ ବୋଲି ସେମାନେ କହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
