ଅମରାବତୀ: ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡିଙ୍କ ବାସଭବନ ପାଇଁ ଆଗତ କରାଯାଇଥିବା 3.10କୋଟି ଟଙ୍କାକୁ ରବ୍ଦ କରାଯାଇଛି । ବାସଭବନ ପାଇଁ ଏତେ ମାତ୍ରାରେ ଅର୍ଥ ଆବେଦନକୁ ବିରୋଧ କରିଥିଲେ ବିରୋଧୀ ଦଳ । ରାଜ୍ୟରେ ଅର୍ଥନୀତିକୁ ନେଇ ମାନ୍ଦାବସ୍ଥା ଦେଖାଦେଇଥିବା ବେଳେ ବାସଭବନ ପଛରେ ଏତେ ମାତ୍ରାରେ ଅର୍ଥ ଖର୍ଚ୍ଚ କରିବା ଉଚିତ୍ ନୁହେଁ ବୋଲି କୁହାଯାଇଛି ।
ପୂର୍ବ ମାସରେ ଆନ୍ଧ୍ରପ୍ରଦେଶ ସରକାର, ତଦେପାଲିରେ ଥିବା ମୁଖ୍ୟମନ୍ତ୍ରୀଙ୍କ ବାସଘର ପାଇଁ ଆସବାପତ୍ର ପାଇଁ 39ଲକ୍ଷ ଟଙ୍କା ଆଗତ କରାଯାଇଥିଲା । ଏହାପରେ ଆଲୁମିନିୟମ କବାଟ, ଝରକା ପାଇଁ 73 ଲକ୍ଷ ଟଙ୍କା, 1.2 କୋଟି ବାସଭବନର ରକ୍ଷଣାବେକ୍ଷଣା ପାଇଁ ଓ ଅନ୍ୟ 22.50 ଲକ୍ଷ ଟଙ୍କା ମୋବାଇଲ ଟଏଲେଟ, କୁଲର୍,ପିଭିସି ରେନପ୍ରୁଫ୍ ଆଦି ପାଇଁ ଆଗତ କରାଯାଇଥିଲା ।
ଅନ୍ୟପକ୍ଷେ 24.50ଲକ୍ଷ ଟଙ୍କା ଜଗନ ମୋହନ ରେଡ୍ଡିଙ୍କ ହାଇଦ୍ରାବାଦ ବାସଭବନ ସିକ୍ୟୁରିଟି ପାଇଁ ଆବେଦନ କରାଯାଇଥିଲା । ମୁଖ୍ୟ ବିରୋଧୀ ଦଳ ଏହାକୁ ବିରୋଧ କରିବା ପରେ, ବିନା ଅଫିସିଆଲ କାରଣ ଦର୍ଶାଇ ଏହି ଆବେଦନକୁ ରବ୍ଦ କରାଯାଇଛି ।
