ମୁମ୍ବାଇର NCB କାର୍ଯ୍ୟାଳୟରେ ଅଗ୍ନିକାଣ୍ଡ

ମୁମ୍ବାଇ ଏକ୍ସଚେଞ୍ଜ ବିଲ୍ଡିଂରେ ଭୟାବହ ଅଗ୍ନିକାଣ୍ଡ । ଏଠାରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବିର କାର୍ଯ୍ୟାଳୟ) ରହିଛି । ଅଧିକ ପଢନ୍ତୁ...

ମୁମ୍ବାଇ: ବିଜନେସ କ୍ୟାପିଟାଲ ମୁମ୍ବାଇର ଏକ୍ସଚେଞ୍ଜ ବିଲ୍ଡିଂରେ ଭୟାବହ ଅଗ୍ନିକାଣ୍ଡ । ବାଲାର୍ଡ ଇଷ୍ଟେଟ କୋଠାର ଦ୍ବିତୀୟ ମହଲାରେ ନିଆଁ ଲାଗିଥିବା ବେଳେ ଏଠାରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବିର କାର୍ଯ୍ୟାଳୟ) ରହିଛି । ଘଟଣାସ୍ଥଳରେ ଅଗ୍ନିଶମ ବାହୀନି ପହଞ୍ଚି ନିଆଁଲିଭା କାର୍ଯ୍ୟ ଜାରି ରଖିଛି ।

ଅଗ୍ନିକାଣ୍ଡ ଘଟିଥିବା କୋଠାରେ ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ଡ୍ରଗ୍ସ କାରବାର ଦିଗରେ ଯାଞ୍ଚ ଚାଲିଛି । ଅଧିକାରୀମାନେ ଏଠାରେ ରିଆ ଚକ୍ରବର୍ତ୍ତୀଙ୍କ ଠୁ ନେଇ ସମସ୍ତ ଅଭିଯୁକ୍ତଙ୍କୁ ଜେରା କରିଥିଲା । ଗିରଫ ପରେ ଏହି କାର୍ଯ୍ୟାଳୟରେ ଥିବା ଲକଅପ୍‌ରେ ରିଆ ଗୋଟିଏ ରାତି ରହିଥିଲେ ।

ଏନସିବି କାର୍ଯ୍ୟାଳୟ ତୃତୀୟ ମହଲାରେ ରହିଛି । ଘଟଣାସ୍ଥଳରେ ଉପସ୍ଥିତ ଦମକଳକର୍ମୀ ନିଆଁଲିଭା କାର୍ଯ୍ୟ ଜାରି ରଖିଛନ୍ତି । ବର୍ତ୍ତମାନସୁଦ୍ଧା ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇପାରିନଥିବା ବେଳେ କ୍ଷୟକ୍ଷତିର କୌଣସି ସୂଚନା ନାହିଁ ।

ବ୍ୟୁରୋ ରିପୋର୍ଟ, ଇଟିଭି ଭାରତ