ସିମଲା: ପାହାଡି ରାଜ୍ୟ ହିମାଚଳପ୍ରଦେଶର ବୈଜନାଥ ଉପମଣ୍ଡଳର ଛୋଟା ଭଙ୍ଗାଲ ଓ ବଡା ଭଙ୍ଗାଲରେ ପାରମ୍ପରିକ ଚାଷ ଅପେକ୍ଷା ଏବେ ଚାଷୀ ଅଣମୌସୁମୀ ଫସଲ କରି ଅତ୍ୟଧିକ ମାତ୍ରାରେ ଲାଭବାନ ହେଉଛନ୍ତି । ଅଳ୍ପ ସ୍ଥାନରେ 7 ହଜାର ଟନ ଅଦିନିଆ ଫସଲ ଲଗାଇ ପ୍ରାୟ 11 କୋଟି ଟଙ୍କାର ଲାଭ ପାଉଛନ୍ତି ।
ସୂଚନାମୁତାବକ, ରାଜ୍ୟ କୃଷି ବିଭାଗ,ଚାଷୀଙ୍କୁ ପାରମ୍ପରିକ ଚାଷ କରିବା ଅପେକ୍ଷା ଅଣମୌସୁମୀ ଫସଲ କରିବା ପାଇଁ ପ୍ରେରିତ କରୁଛନ୍ତି । ତେବେ ଛୋଟା ଭଙ୍ଗାଲରେ 2700 ହେକ୍ଟର ଜମିରେ ଚାଷ କାମ କରାଯାଉଛି । ସରକାରୀ ସହାୟତା, ଚାଷୀଙ୍କ କଠିନ ପରିଶ୍ରମ ଓ କୃଷି ବିଭାଗର ପରାମର୍ଶ ଓ ସହଯୋଗ ପାଇଁ ଏଠାରେ ଅଣମୌସୁମୀ ଫସଲ କରି ପ୍ରଚୁର ମାତ୍ରାରେ ଲାଭବାନ ହେଉଛନ୍ତି ଚାଷୀ । ପାରମ୍ପରିକ ଚାଷ ଅନୁଯାୟୀ ଫସଲରେ ହେକ୍ଟର ପ୍ରତି 4 ରୁ 5 ହଜାର ଟଙ୍କା ପାଉଥିବା ବେଳେ ଏବେ ଅଦିନିଆ ଫସଲ କରି 25 ହଜାର ଟଙ୍କା ଲାଭବାନ ହେଉଛନ୍ତି ।
ଏଠାରେ ପାଖାପାଖି 700 ହେକ୍ଟର ଜମିରେ ବନ୍ଧାକୋବି, ଫୁଲକୋବି, ବ୍ରୋକୋଲି, ମୂଳା ଓ ଧନିଆ ଚାଷ କରାଯାଉଛି । ବହୁତକମ ଅଞ୍ଚଳରେ 7 ହଜାର ଟନର ଅଣମୌସୁମୀ ଫସଲ ଉତ୍ପାଦନ କରାଯାଉଛି । ଆଉ ଏଥିରୁ ଚାଷୀ 11 କୋଟିରୁ ଉର୍ଦ୍ଧ୍ବ ଟଙ୍କା ଆଦାୟ କରୁଛନ୍ତି । ଆଉ ଏସବୁ ପରିବାକୁ ଅଧିକ ଦିନ ଧରି ସାଇତି ରଖିବା ପାଇଁ ସରକାର ଚାଷୀଙ୍କ ପାଇଁ ଶୀତଳ ଭଣ୍ଡାର ଖୋଲିଛନ୍ତି । ଖାଲି ସେତିକି ନୁହେଁ ଚାଷୀ ନିଜ ରାଜ୍ୟ ସହ ପଞ୍ଜାବ, ହରିୟାଣା,ଦିଲ୍ଲୀରେ ଆଦି ରାଜ୍ୟରେ ଅତି ଭଲ ଦରରେ ନିଜର ପରିବା ସବୁ ବିକ୍ରି କରି ଲାଭବାନ ହେଉଛନ୍ତି।
ଜିଲ୍ଲା କୃଷି ଅଧିକାରୀ କୁଲଦିପ ଧୀମାନଙ୍କ କହିବାନୂଯାୟୀ, କୃଷି ବିଭାଗ ଦ୍ବାରା ନାବାର୍ଡର ସହାୟତାରେ ଅନେକ ସ୍ଥାନରେ ଜଳ ସେଚନର ସୁବିଧା କରାଯାଉଛି । ଯାହଦ୍ବାରା କୃଷକ ଭଲ ଫସଲ ଉତ୍ପାଦନ କରିପାରିବେ। ଏହାସହ ଉନ୍ନତ କିସମର ମଞ୍ଜି ଦିଆଯାଉଛି।ଯାହାଦ୍ବାରା କୃଷକ ଅତି ଉନ୍ନତ ମାନର ଫସଲ ଉତ୍ପାଦନ କରିବାରେ ସକ୍ଷମ ହେବେ।
