ଭୋପାଳ: ଛୁଆ ଚୋର ସନ୍ଦେହରେ 6 କୃଷକଙ୍କୁ ମାଡ । ମଧ୍ୟପ୍ରଦେଶର ଧର ଜିଲ୍ଲା ମନୱାର ପୋଲିସ ଷ୍ଟେସନ ନିକଟସ୍ଥ ବୋରଲାଇ ଗ୍ରାମରେ ଛୁଆ ଚୋର ସନ୍ଦେହରେ 6 କୃଷକଙ୍କୁ ମାଡ ମାରିବା ସହ ସେମାନଙ୍କ ଗାଡି ପୋଡି ଦେଇଛନ୍ତି ଗ୍ରାମବାସୀ । ଏହି ଘଟଣାରେ ଜଣେ କୃଷକଙ୍କ ଚିକିତ୍ସୀଧୀନ ଅବସ୍ଥାରେ ମୃତ୍ୟୁ ଘଟିଥିବାବେଳେ 4 ଜଣ ଗୁରୁତର ଆହତ ହୋଇଛନ୍ତି ।
ଗୁରୁତର ବିନୋଦ ମୁକାତୀଙ୍କ କହିବା ଅନୁଯାୟୀ, ସେ ଇନ୍ଦୋର ଜିଲ୍ଲା ଶିବପୁରୁଖେଦା ଗ୍ରାମରେ ରୁହନ୍ତି । ତେବେ ତାଙ୍କ ଗ୍ରାମରେ 5 ଜଣ ମଜୁରିଆ କାମ କରୁଥିଲେ । ତେବେ ସେ ତାଙ୍କୁ 50 ହଜାର ଟଙ୍କା ଆଡଭାନ୍ସ ଦେଇଥିଲେ । ମାତ୍ର ପଇସା ପାଇବା ପରେ ମଜୁରିଆ ମାନେ କାମକୁ ଆସୁନଥିଲେ । ଏହି କ୍ରମେ ସେ ବୋରଲାଇ ଗ୍ରାମରେ ମଜୁରିଆମାନଙ୍କୁ ଭେଟିବା ପାଇଁ ଯାଇ ସେମାନଙ୍କୁ କାମକୁ ଆସିବାକୁ କହିଥିଲେ । ମାତ୍ର ସେମାନେ କାମକୁ ଆସିବାକୁ ମନା କରିଦେଇଥିଲେ ।
ଯାହାକୁ ନେଇ ବିନୋଦ ଏବଂ ମଜୁରିଆମାନଙ୍କ ମଧ୍ୟରେ ଝଗଡା ହୋଇଥିଲା । ଏହାକୁ ଦେଖି ବୋରଲାଇ ଗ୍ରାମ ଲୋକେ ସୋମନଙ୍କୁ ଛୁଆ ଚୋର ଭାବି ମାରପିଟ୍ କରିଥିଲେ । ଯେଉଁଥିରେ ଜଣେ କୃଷକଙ୍କ ଚିକିତ୍ସୀଧୀନ ଅବସ୍ଥାରେ ମୃତ୍ୟୁ ଘଟିଥିବାବେଳେ 4 ଜଣ ଗୁରୁତର ଆହତ ହୋଇ ଇନ୍ଦୋର ମେଡିକାଲରେ ଭର୍ତ୍ତି ହୋଇଛନ୍ତି ।
