ନୂଆଦିଲ୍ଲୀ: ଅନାଜ ମଣ୍ଡି ଫ୍ୟାକ୍ଟ୍ରି ଅଗ୍ନିକାଣ୍ଡ ଘଟଣାରେ ଫ୍ୟାକ୍ଟ୍ରି ମାଲିକ ରିହାନ ଏବଂ ମ୍ୟାନେଜର ଫୁରକାନଙ୍କୁ 14 ଦିନିଆ ରିମାଣ୍ଡରେ ନେବ ପୋଲିସ । ଏନେଇ ଅନୁମତି ଦେଇଛନ୍ତି ତିସ ହଜାରି କୋର୍ଟ । ଆଜି ଉଭୟଙ୍କୁ କୋର୍ଟରେ ହାଜର କରାଯାଇଥିଲା । ସେପଟେ ଅଧିକ ତଦନ୍ତ ପାଇଁ ପୋଲିସ ଦୁହିଁଙ୍କୁ ରିମାଣ୍ଡରେ ନେବାପାଇଁ କୋର୍ଟରେ ଆବେଦନ କରିଥିଲେ ।
ରବିବାର ଦିଲ୍ଲୀର ରାଣୀ ଝାନ୍ସି ରୋଡ ନିକଟ ଅନାଜ ମଣ୍ଡି ଫ୍ୟାକ୍ଟ୍ରିରେ ହୋଇଥିଲା ଅଗ୍ନିକାଣ୍ଡ । ଏହି ଦୁର୍ଘଟଣାରେ ବର୍ତ୍ତମାନ ପର୍ଯ୍ୟନ୍ତ 43 ଜଣଙ୍କ ପ୍ରାଣହାନୀ ହୋଇଛି । ଅଘଟଣ ଦିନ ଫ୍ୟାକ୍ଟ୍ରି ମାଲିକ ବାହାର ପଟୁ ତାଲା ପକାଇ ଦେଇଥିବାବେଳେ ଭିତରେ ଥିବା ଶ୍ରମିକ ମାନେ ଜୀବନ୍ତ ଦଗ୍ଧ ହୋଇଯାଇଥିଲେ । ଏ ଘଟଣାରେ ଫ୍ୟାକ୍ଟ୍ରି ମାଲିକ ରିହାନ ଏବଂ ମ୍ୟାନେଜର ଫୁରକାନଙ୍କୁ ଗିରଫ କରିଛି ପୋଲିସ ।
