ଧାର୍ମିକ ସ୍ଥଳୀକୁ ପ୍ରଚାରରେ ବ୍ୟବହାର କର ନାହିଁ: ନିର୍ବାଚନ ଆୟୋଗ

କୌଣସି ପ୍ରକାର ଉପାସନା ସ୍ଥଳକୁ ପ୍ରଚାର ଲାଗି ବ୍ୟବହାର ନକରିବା ପାଇଁ ଆୟୋଗ ନିର୍ଦ୍ଦେଶ ଦେଇଛନ୍ତି । ଏହାସହ ଭିନ୍ନ ଭିନ୍ନ ଜାତି ଓ ସମ୍ପ୍ରଦାୟ ମଧ୍ୟରେ ଉତ୍ତେଜନା ସୃଷ୍ଟିକାରୀ କାର୍ଯ୍ୟକଳାପରେ ନ ମାତିବାକୁ ମଧ୍ୟ ନିର୍ବାଚନ କମିଶନ ତାଗିଦ କରିଛନ୍ତି ।

ଫାଇଲ ଫଟୋ

Published : Mar 20, 2019, 3:54 PM IST

ନୂଆଦିଲ୍ଲୀ: ଆଗାମୀ ନିର୍ବାଚନ ସମୟରେ ଧାର୍ମିକ ସ୍ଥଳୀକୁ ପ୍ରଚାରରେ ବ୍ୟବହାର ନ କରିବାକୁ ନିର୍ବାଚନ ଆୟୋଗ ପରାମର୍ଶ ଦେଇଛନ୍ତି । ଆଦର୍ଶ ଆଚରଣ ବିଧି ଅନୁସାରେ ନିର୍ବାଚନୀ ପ୍ରଚାରରେ ଧର୍ମର ବ୍ୟବହାର ନିଷିଦ୍ଧ ବୋଲି ଆୟୋଗ କହିଛନ୍ତି । ମଙ୍ଗଳବାର ଏନେଇ ସମସ୍ତ ରାଜନୈତିକ ଦଳ ଓ ଧାର୍ମିକ ନେତାଙ୍କୁ ନିର୍ଦ୍ଦେଶ ଦେଇଛନ୍ତି ନିର୍ବାଚନ କମିଶନ ।

କୌଣସି ପ୍ରକାର ଉପାସନା ସ୍ଥଳକୁ ପ୍ରଚାର ଲାଗି ବ୍ୟବହାର ନକରିବା ପାଇଁ ଆୟୋଗ ନିର୍ଦ୍ଦେଶ ଦେଇଛନ୍ତି । ଏହାସହ ଭିନ୍ନ ଭିନ୍ନ ଜାତି ଓ ସମ୍ପ୍ରଦାୟ ମଧ୍ୟରେ ଉତ୍ତେଜନା ସୃଷ୍ଟିକାରୀ କାର୍ଯ୍ୟକଳାପରେ ନ ମାତିବାକୁ ମଧ୍ୟ ନିର୍ବାଚନ କମିଶନ ତାଗିଦ କରିଛନ୍ତି । ସୂଚନାଯୋଗ୍ୟ ଯେ ନିର୍ବାଚନ ସମୟରେ ଧର୍ମ ଆଧାରରେ ଭୋଟରଙ୍କୁ ବିଭକ୍ତ କରିବାକୁ ମସଜିଦରେ ସ୍ବତନ୍ତ୍ର ଅବଜରଭର ନିଯୁକ୍ତ କରିବା ପାଇଁ ବିଜେପି ସୋମବାର ଅନୁରୋଧ କରିଥିଲା । ଏହାର ଦିନକ ପରେ ନିର୍ବାଚନ କମିଶନ ଏଭଳି ନିର୍ଦ୍ଦେଶ ଦେଇଛନ୍ତି ।

ଆଦର୍ଶ ଆଚରଣବିଧି ଅନୁସାରେ ନିର୍ବାଚନ ପ୍ରଚାର ଅଭିଯାନ ସମୟରେ ଜାତି ଓ ଧର୍ମର ବ୍ୟବହାର ସମ୍ପୂର୍ଣ୍ଣ ନିଷିଦ୍ଧ । ଏହି ସମୟରେ ବିଭିନ୍ନ ଜାତି କିମ୍ବା ସମ୍ପ୍ରଦାୟ ମଧ୍ୟରେ ଧର୍ମଗତ ବା ଭାଷାଗତ ଉତ୍ତେଜନା ସୃଷ୍ଟି କରାଇବାକୁ କୌଣସି ରାଜନୈତିକ ଏବଂ ଧାର୍ମିକ ନେତା କିମ୍ବା ଅନ୍ୟ କୌଣସି ବ୍ୟକ୍ତିଙ୍କୁ ଅନୁମତି ମିଳିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି ।

Place: Angul

ଆସନ୍ତା ଏପ୍ରିଲ 23 ତାରିଖରେ ଅନୁଗୋଳ ଜିଲାର 5ଟି ବିଧାନସଭା ନିର୍ବାଚନ ମଣ୍ଡଳୀ ଓ ଢେଙ୍କାନାଳ ଏବଂ ସମ୍ବଲପୁର ଲୋକସଭା ନିର୍ବାଚନ ମଣ୍ଡଳୀ ପାଇଁ ଭୋଟ ଗ୍ରହଣ ହେବ । ସେଥିପାଇଁ ପ୍ରଶାସନ ତରଫରୁ ସମସ୍ତ ପ୍ରକାର ପ୍ରସ୍ତୁତି ପ୍ରାୟ ଶେଷ ହୋଇଛି । ଢେଙ୍କାନାଳ ଲୋକସଭା ନିର୍ବାଚନ ମଣ୍ଡଳୀ ଅଧିନରେ ଅନୁଗୋଳ , ତାଳଚେର ଓ ପାଲଲହଡା ବିଧାନସଭା ନିର୍ବାଚନ ମଣ୍ଡଳୀ ଥିବା ବେଳେ ସମ୍ବଲପୁର ଲୋକସଭା ନିର୍ବାଚନ ମଣ୍ଡଳୀ ଅଧିନରେ ରହିଛି ଜିଲ୍ଲା ର ଆଠମଲ୍ଲିକ ଓ ଛେଣ୍ଡିପଦା ବିଧାନସଭା ନିର୍ବାଚନ ମଣ୍ଡଳୀ । ତେଣୁ ସେହି ହିସାବରେ ପ୍ରଶାସନ ସମସ୍ତ ପ୍ରକାର ବ୍ୟବସ୍ଥା କରିଛି । ଏଥର ଅନୁଗୁଳ ଜିଲାର 5ଟି ଯାକ ବିଧାନସଭା ନିର୍ବାଚନ ମଣ୍ଡଳୀ ପାଇଁ ମୋଟ 1163 ବୁଥ ରେ ନିଜର ମତାଧିକାର ସାବ୍ୟସ୍ତ କରିବେ 9,56,761 ଭୋଟର । ସେମାନଙ୍କ ମଧ୍ୟରୁ 4,57,326 ମହିଳା ଥିବା ବେଳେ 4,99, 391 ପୁରୁଷ ଭୋଟର ଅଛନ୍ତି । ପ୍ରତି ବୁଥ ପାଇଁ ଜଣେ ପ୍ରିଜାଇଡ଼ିଂ ଅଫିସର ଓ 5ଜଣ ପୁଲିଂ ଅଫିସରଙ୍କୁ ନିୟୋଜିତ କରାଯିବାର ସ୍ଥିର ହୋଇଛି । ପ୍ରତ୍ୟକ ନିର୍ବାଚନ ମଣ୍ଡଳୀ ପାଇଁ 3ଟି ଲେଖାଏଁ ଫ୍ଳାଇଂ ସ୍କ୍ବାର୍ଡ଼ ଗଠନ କରା ଯାଇଛି । ଏହାଛଡ଼ା ପ୍ରତି ବୁଥରେ ପୋଲିସ ବ୍ୟବସ୍ଥା କରା ଯାଇଛି । ଶାନ୍ତି ଶୃଙ୍ଖଳାର ସହ ନିର୍ବାଚନ ପରିଚାଳନା ପାଇଁ ପୋଲିସ ବ୍ୟତିତ ବିଭିନ୍ନ ଶିଳ୍ପ ସଂସ୍ଥାର ସୁରକ୍ଷା କର୍ମୀ, ଅର୍ଦ୍ଧ ସାମରିକ ବାହିନୀଙ୍କୁ ମଧ୍ୟ ନିୟୋଜିତ କରାଯିବ । ଜିଲାର ବିଭିନ୍ନ ନିର୍ବାଚନ ମଣ୍ଡଳୀରେ 118ଟି ଉତ୍ତେଜନା ମୁଳକ ବୁଥ ଚିହ୍ନଟ କରା ଯାଇଛି । ତେଣୁ ସେହିସବୁ ବୁଥ ଗୁଡ଼ିକରେ ସ୍ବତନ୍ତ୍ର ବ୍ୟବସ୍ଥା କରା ଯାଇଛି । ଏହାଛଡ଼ା ପ୍ରଶାସନ ପକ୍ଷରୁ ନିର୍ବାଚନରେ ନିୟୋଜିତ ଅଧିକାରୀ ଓ କର୍ମଚାରୀ ମାନଙ୍କୁ ବାରମ୍ବାର ତାଲିମ ଦିଆ ଯାଉଛି । ଭୋଟର ସଚେତନତା ରଥ ଠାରୁ ନେଇ ଗାଁ ଗାଁରେ ଭୋଟର ମାନଙ୍କ ମଧ୍ୟରେ ସଚେତନତା ସୃଷ୍ଟି କରା ଯାଇଛି ।