ମୁମ୍ବାଇ: କୋରୋନା ସଙ୍କଟ ମଧ୍ୟରେ ଦେଶରେ ପ୍ରତିଦିନ ଭୂକମ୍ପ ଅନୁଭୂତ ହେଉଛି। ଗୋଟିଏ ପଟେ ଭାଇରସ ଭୟ ଅନ୍ୟପଟେ ପ୍ରକୃତିର କୋପ। ଏହା ଭିତରେ ଛଟପଟ ହେଉଛି ମଣିଷ ସମାଜ। ଗତ 4 ଦିନ ମଧ୍ୟରେ ମହାରାଷ୍ଟ୍ରକୁ 5 ଥର ଭୂକମ୍ପ ଝଟକା ଲାଗିସାରିଛି।
ତେବେ ବୁଧବାର ମଧ୍ୟ ଭୂକମ୍ପ ସହିତ ଆରମ୍ଭ ହୋଇଥିଲା। 3.2 ମ୍ୟାଗ୍ନିଚ୍ୟୁଡର ଏକ ଭୂକମ୍ପରେ ଥରିଲା ମହାରାଷ୍ଟ୍ରର ନାଶିକ। ଦୁଇ ଦିନ ପୂର୍ବେ ମୁମ୍ବାଇରେ ମଧ୍ୟ ଭୂକମ୍ପ ଅନୁଭୂତ ହୋଇଥିଲା।
ବୁଧବାର ସକାଳ 4.17 ସମୟରେ ନାଶିକଙ୍କୁ ଏହି ଭୂକମ୍ପ ଝଟକା ଲାଗିଛି। ନ୍ୟାସନାଲ ସେଣ୍ଟର ଫର ସେସମୋଲୋଜି (ଏନସିଏସ୍) ଅନୁଯାୟୀ ଆଜି(ବୁଧବାର) ମହାରାଷ୍ଟ୍ରର ନାଶିକ୍ ଠାରୁ 93 କିଲୋମିଟର ପଶ୍ଚିମରେ ଏହାର କେନ୍ଦ୍ରସ୍ଥଳ ରହିଥିଲା।
