କୋଲକାତା: ରାତି ପାହିଲେ ଦୁର୍ଗତୀ ନାଶିନୀ ମା' ଦୁର୍ଗାଙ୍କ ପୂଜା । ଏନେଇ ଚାରିଆଡେ ପାର୍ବଣର ମାହୋଲ । ବିଭିନ୍ନ ଢଙ୍ଗରେ ତିଆରି ହେଉଛି ପୂଜା ପେଣ୍ଡାଲ । ଦୁର୍ଗାପୂଜା ନେଇ ପ୍ରସିଦ୍ଧ କୋଲକାତାରେ ବିଭିନ୍ନ ଥିମରେ ତିଆରି ହେଉଛି ପୂଜା ପେଣ୍ଡାଲ । ଚଳିତ ବର୍ଷ ସନ୍ତୋଷପୁର ଲେକରେ ଥିବା ପେଣ୍ଡାଲର ଥିମ ରହିଛି ‘ପ୍ରଦୂଷଣ’।
ଦେଶକୁ ସ୍ବଚ୍ଛ ଓ ପ୍ଲାଷ୍ଟିକ ମୁକ୍ତ ରଖିବା ପାଇଁ ତିଆରି ହୋଇଛି ଏହି ପେଣ୍ଡାଲ । ପଲିଥିନ ବ୍ୟାଗ, ପ୍ଲାଷ୍ଟିକ ବୋତଲ, ମଶାଧୂପ କଏଲ ଓ ବାଣରେ ତିଆରି ହୋଇଛି ଏହି ପୂଜା ପେଣ୍ଡାଲ ।
ଏହି ପୂଜା ମଣ୍ଡପର ଆୟୋଜକ କୌସ୍ତଭ ଦାସଙ୍କ କହିବା ଅନୁସାରେ, ପ୍ରତିଦିନ ଆମ ଚାରିପାଖେ ଘଟୁଥିବା ଘଟଣାମାନ ସହ ଆମ ଶରୀରର ରୋଗ ବୈରାଗ ଆମେ ଦେଖୁଛେ । ପ୍ରଦୂଷଣ ଯୋଗୁଁ ଅନେକ ରୋଗର ଶିକାର ହେଉଛନ୍ତି ଲୋକେ । ଲୋକଙ୍କୁ ସଚେତନ କରିବା ଉଦ୍ଦେଶ୍ୟରେ ଏଭଳି ଚିନ୍ତା ମନରେ ଆସିଥିଲା । ଆଉ ନିଜର ଏହି ଭାବନାକୁ ରୂପ ଦେବା ପାଇଁ ପ୍ରାୟ ଛଅ ମାସ ଲାଗିଥିଲା । ବର୍ତ୍ତମାନ ପେଣ୍ଡାଲ ପୂଜା ପାଇଁ ପ୍ରସ୍ତୁତ । ଏଠାକୁ ଯେଉଁ ଲୋକ ଆସିବେ ହୁଏତ କିଛି ମାତ୍ରାରେ ସଚେତନ ହେବେ ବୋଲି କହିଛନ୍ତି କୌସ୍ତଭ ।
