ବେଲ୍ଲାରି: ମର୍ମନ୍ତୁଦ ସଡକ ଦୁର୍ଘଟଣାରେ ଘଟଣାସ୍ଥଳରେ 4 ମୃତ, 10 ଆହତ ହୋଇଛନ୍ତି । ଏକ ଅଜଣା ଗାଡି ଟ୍ରାକ୍ଟରକୁ ଧକ୍କା ଦେବାରୁ ଏହି ଦୁର୍ଘଟଣା ଘଟିଛି । ଆହତଙ୍କ ମଧ୍ୟରେ ମହିଳା ଓ କିଛି ଶିଶୁ ମଧ୍ୟ ରହିଛନ୍ତି । କର୍ଣ୍ଣାଟକର ବେଲ୍ଲାରି ନିକଟସ୍ଥ ଦେସାଇ ଫୁଡ ଫାର୍ମ ନିକଟରେ ଏହି ଦୁର୍ଘଟଣା ଘଟିଛି ।
ଦୁର୍ଘଟଣା ସମୟରେ ଅଜଣା ଗାଡିଟି ଟ୍ରାକ୍ଟରକୁ ଧକ୍କା ଦେବାରୁ ଟ୍ରାକ୍ଟରଟି ଓଲଟି ପଡିଥିଲା । ତେବେ ଆହତ ମାନଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ହୁଭିନା ହାଡାଗାଲି ଷ୍ଟେସନର ସିପିଆଇ ମାଲାଟେଶ କୁନାବେଭୁ ଏବଂ ପୋଲିସ କର୍ମଚାରୀ ଘଟଣାସ୍ଥଳକୁ ଯାଇ ତଦନ୍ତ ଚଳାଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
