ନୂଆଦିଲ୍ଲୀ: ଚନ୍ଦ୍ରଯାନ-2 ଚନ୍ଦ୍ରପୃଷ୍ଠରେ ଅବସ୍ଥାପିତ ହେବା ପୂର୍ବରୁ ନିୟନ୍ତ୍ରଣ କେନ୍ଦ୍ର ସହ ଯୋଗାଯୋଗ ବିଚ୍ଛିନ୍ନ ହେବାପରେ ଇସ୍ରୋ ଅଧ୍ୟକ୍ଷ କେ ଶିବନଙ୍କୁ ଆଲିଙ୍ଗନ କରି ଆଶ୍ବାସନା ଦେଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ମୋଦିଙ୍କର ଏପରି ସମର୍ଥନକୁ ପ୍ରସଂଶା କରିଛନ୍ତି ପ୍ରତିରକ୍ଷା ଗବେଷଣା ଉନ୍ନୟନ ପ୍ରତିଷ୍ଠାନ(ଡିଆରଡିଓ) ଅଧ୍ୟକ୍ଷ ଡ. ସତୀଶ ରେଡ୍ଡୀ । ପ୍ରଧାନମନ୍ତ୍ରୀଙ୍କର ଏଭଳି ବ୍ୟବହାର ଶେଷ ମୂହୁର୍ତ୍ତରେ ବିଫଳ ହୋଇଥିବା ବୈଜ୍ଞାନିକଙ୍କ ମନୋବଳ ବୃଦ୍ଧି କରିବା ଭଳି ଥିଲା ବୋଲି ସେ କହିଛନ୍ତି ।
ସେ ଆହୁରି କହିଛନ୍ତି ଯେ, ପ୍ରଧାନମନ୍ତ୍ରୀଙ୍କ ସମର୍ଥନ ପରେ ଇସ୍ରୋ ବୈଜ୍ଞାନିକ ପୁଣିଥରେ ମିଶନରେ କାର୍ଯ୍ୟକରିବା ଆରମ୍ଭ କରିଦେଇଥିବେ । କେଉଁ କାରଣ ପାଇଁ ଯୋଗାଯୋଗ ବିଛିନ୍ନ ହେଲା ଏବଂ କିଭଳି ରୋଭର ସହ ପୁଣିଥରେ ସମ୍ପର୍କ କରାଯାଇ ପାରିବ ସେ ନେଇ ମଧ୍ୟ ସେମାନେ ଗବେଷଣା ଆରମ୍ଭ କରିଦେଇଥିବେ ବୋଲି କହିଛନ୍ତି ଡିଆରଡିଓ ଅଧ୍ୟକ୍ଷ ଡ. ସତୀଶ ରେଡ୍ଡୀ ।
ସେହିପରି ଚନ୍ଦ୍ରଯାନ-2 କୁ ନେଇ ତାତ୍ସଲ୍ୟ କରୁଥିବା ପାକିସ୍ତାନ ମନ୍ତ୍ରୀଙ୍କ ସମ୍ପର୍କରେ ସେ କହିଛନ୍ତି, ଯେଉଁ ଲୋକ ଏଭଳି ମିଶନ କେବେ କରିନାହାନ୍ତି କିମ୍ବା ଏଭଳି କରିବାର କ୍ଷମତା ରଖୁନାହାନ୍ତି ସେମାନେ ଏହି ମିଶନର ଜଟିଳତାକୁ ବୁଝି ପାରିବେ ନାହିଁ ।
