ଫଡ଼ନାଭିସ ହେଲେ ବିରୋଧୀ ଦଳ ନେତା

ମହାରାଷ୍ଟ୍ର ବିଧାନସଭାର ବିରୋଧୀ ଦଳ ନେତା ଭାବେ ନିର୍ବାଚିତ ହେଲେ ଦେବେନ୍ଦ୍ର ଫଡ଼ନାଭିସ ।

ମୁମ୍ବାଇ: ମହାରାଷ୍ଟ୍ର ବିଧାନସଭାର ବିରୋଧୀ ଦଳ ନେତା ଭାବେ ନିର୍ବାଚିତ ହେଲେ ଦେବେନ୍ଦ୍ର ଫଡ଼ନାଭିସ । ସଦନର ନବ ନିଯୁକ୍ତ ବାଚସ୍ପତି ନାନା ପାଟୋଲେ ଏନେଇ ଘୋଷଣା କରିଛନ୍ତି । ତେବେ ଶିବସେନା, ଏନସିପି ଏବଂ କଂଗ୍ରେସର ବରିଷ୍ଠ ନେତା ଫଡନାଭିସଙ୍କୁ ଶୁଭେଚ୍ଛା ଜଣାଇଛନ୍ତି ।

ଏହା ପୂର୍ବରୁ କଂଗ୍ରେସର ବରିଷ୍ଠ ବିଧାୟକ ନାନା ପାଟୋଲେଙ୍କୁ ବାଚସ୍ପତି ଭାବେ ନିର୍ବାଚିତ କରାଯାଇଥିଲା । ବିଜେପି ପ୍ରାର୍ଥୀ କିସାନ କଥୋରେ ନିଜ ନାମାଙ୍କନ ପତ୍ର ପ୍ରତ୍ୟାହାର କରିବା ପରେ ପାଟୋଲେ ନିର୍ଦ୍ବନ୍ଦରେ ନିର୍ବାଚିତ ହୋଇଥିଲେ ।