ନୂଆଦିଲ୍ଲୀ: ଜେଏନୟୁର ପୂର୍ବତନ ଛାତ୍ରନେତା ଉମର ଖାଲିଦଙ୍କୁ ଗିରଫ କରିଛି କ୍ରାଇମବ୍ରାଞ୍ଚ । ଦିଲ୍ଲୀ ହିଂସା ମାମଲାରେ ଉମରଙ୍କୁ ଗିରଫ କରାଯାଇଥିବା ଜଣାପଡିଛି । କ୍ରାଇମବ୍ରାଞ୍ଚ ପକ୍ଷରୁ ତାଙ୍କୁ 3 ଦିନିଆ ରିମାଣ୍ଡରେ ନିଆଯାଇଛି ।
ପୂର୍ବରୁ ଖାଲିଦଙ୍କୁ ସେପ୍ଟେମ୍ବର 14ରେ ମଧ୍ୟ ଗିରଫ କରାଯାଇଥିଲା । ଦିଲ୍ଲୀ ପୋଲିସର ସ୍ପେଶାଲ ସେଲ ଜବାହରଲାଲ ନେହେରୁ ବିଶ୍ବବିଦ୍ୟାଳୟ (ଜେଏନୟୁ)ର ପୂର୍ବତନ ଛାତ୍ର ଉମର ଖାଲିଦକୁ ୟୁପିଏ ଆକ୍ଟ ଅଧିନରେ ଗିରଫ କରିଥିଲା ।
ପ୍ରାୟ ଦୁଇ ଘଣ୍ଟା ପଚରାଉଚରା ପରେ ଖାଲିଦକୁ ଗିରଫ କରାଯାଇ କୋର୍ଟରେ ଭିଡିଓ କନଫରେନ୍ସିଂ ଜରିଆରେ ହାଜର କରାଇଥିଲା । ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଏହି ମାମଲାର ଶୁଣାଣି କରୁଥିବା ଅତିରିକ୍ତ ସେସନ ଜଜ ଅମିତାଭ ରାୱତ ଉମର ଖାଲିଦକୁ 10 ଦିନିଆ ରିମାଣ୍ଡରେ ପଠାଇଦେଇଥିଲେ ।
