ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଆତଙ୍କବାଦୀ ସଂଗଠନ ଆଇଏସଆଇଏସ ମଡ୍ୟୁଲର ପର୍ଦ୍ଦାଫାସ କରିଛି ପୋଲିସ । ଗୁରୁବାର ଦିଲ୍ଲୀ ପୋଲିସର ସ୍ପେଶାଲ ସେଲ 3 ସନ୍ଦିଗ୍ଧ ଆତଙ୍କବାଦୀଙ୍କୁ ଗିରଫ କରିଛି । ଏହି 3 ଜଣ ଆଇଏଆଇଏସ ଆତଙ୍କୀ ସଂଗଠନ ସହ ଜଡିତ ଥିବା ସନ୍ଦେହ କରାଯାଉଛି । ଏମାନଙ୍କ ନିକଟରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ମଧ୍ୟ ଜବତ କରିଛି ପୋଲିସ । ବର୍ତ୍ତମାନ ପୋଲିସର ସ୍ପେଶାଲ ସେଲ ସେମାନଙ୍କୁ ପଚାରା ଉଚାରା ଜାରି ରଖିଛି ।
ଗତ ବର୍ଷ ନଭେମ୍ବର ମାସରେ ମଧ୍ୟ ଦିଲ୍ଲୀ ପୋଲିସର ସ୍ପେଶାଲ ସେଲ ଆଇଏସଆଇଏସର 3 ସନ୍ଦିଗ୍ଧ ଆତଙ୍କବାଦୀଙ୍କୁ ଗିରଫ କରିଥିଲା । ଏମାନଙ୍କୁ ଆସାମର ଗୋପାଲପାଡାରୁ ଗିରଫ କରାଯାଇଥିଲା । ରାସମେଲରେ ହେବାକୁ ଥିବା ଏକ ମେଳାରେ ଆଇଡି ବିସ୍ପୋରଣର ଯୋଜନା ପ୍ରସ୍ତୁତ କରିଥିଲେ ଏହି ଆତଙ୍କବାଦୀ । ଏହାପରେ ସେମାନେ ଦିଲ୍ଲୀକୁ ଟାର୍ଗେଟ କରିବା ପାଇଁ ଯୋଜନା କରିଥିଲେ ।
