ନୂଆଦିଲ୍ଲୀ: ରାଜଧାନୀ ଦିଲ୍ଲୀ-ଏନସିଆରରେ ବାୟୁର ମାନ ଦିନକୁ ଦିନ ଅତ୍ୟନ୍ତ ଖରାପ ହେବାରେ ଲାଗିଛି । ଯାହା ଫଳରେ ଶ୍ବାସ ପ୍ରଶ୍ବାସ ନେବା ମଧ୍ୟ କଷ୍ଟକର ହୋଇପଡ଼ିଛି । ତେବେ ଏହାକୁ ଦୃଷ୍ଟିରେ ରଖି ଆଗାମି 2 ଦିନ ଅର୍ଥାତ ନଭେମ୍ବର 14 ଏବଂ 15 ରେ ଦିଲ୍ଲୀ-ଏନସିଆରର ସମସ୍ତ ସ୍କୁଲରେ ଛୁଟି ଘୋଷଣା କରାଯାଇଛି ।
ସେପଟେ ପରିବେଶ ପ୍ରଦୂଷଣ ନିୟନ୍ତ୍ରଣ ପ୍ରାଧିକରଣ ପକ୍ଷରୁ ମଧ୍ୟ ନଭେମ୍ବର 15 ପର୍ଯ୍ୟନ୍ତ ଦିଲ୍ଲୀର ସମସ୍ତ ନିର୍ମାଣ କାର୍ଯ୍ୟ ଉପରେ ପ୍ରତିବନ୍ଧକ ଲଗାଯାଇଛି । ଏହା ପୂର୍ବରୁ ବାୟୁର ଖରାପ ମାନକୁ ଦୃଷ୍ଟିରେ ରଖି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରଦେଶରେ ଲାଗୁ ଥିବା ଯୁଗ୍ମ-ଅଯୁଗ୍ମ ଫର୍ମୁଲା ଜାରି ରଖିବାର ସଙ୍କେତ ଦେଇଥିଲେ। ଆବଶ୍ୟକ ସ୍ଥଳେ ଏହି ଫର୍ମୁଲାର ଅବଧି ବୃଦ୍ଧି କରାଯିବ ବୋଲି ସେ କହିଥିଲେ।
