ନୂଆଦିଲ୍ଲୀ: ସାର୍ବଜନୀନ ସ୍ଥାନରେ ମଦ ପିଇ 153 ଗିରଫ। ଏହି ମଦ୍ୟପ ବ୍ୟକ୍ତି ମାନଙ୍କୁ ଉତ୍ତର ଦିଲ୍ଲୀ ପ୍ରାନ୍ତରୁ ଶୁକ୍ରବାର ଗିରଫ କରାଯାଇଛି । ଖବର ଅନୁଯାୟୀ, ଏକ ସ୍ବତନ୍ତ୍ର ପୋଲିସ ଫୋର୍ସ ଦିଲ୍ଲୀର ବିଭିନ୍ନ ସ୍ଥାନରେ ଚଢାଉ କରିଥିଲେ । ଏହାସହ ସାର୍ବଜନୀନ ସ୍ଥାନରେ ମଦ୍ୟପାନ କରୁଥିବା ବ୍ୟକ୍ତିମାନଙ୍କୁ ଅବକାରୀ ଟିମ ଦ୍ବାରା ଚଢାଉ କରାଯାଇ ଗିରଫ କରାଯାଇଥିଲା ।
ଏହାସହ ଗତ କିଛିଦିନ ହେବ ଏକ ପାଟ୍ରୋଲିଂ ଟିମ ଗଠନ କରାଯାଇ ବିଭିନ୍ନ ଉତ୍ତେଜନା ପୂର୍ଣ୍ଣ ସ୍ଥାନ, ବଜାର, ଅନ୍ଧାରିଆ ସ୍ଥାନ, ପାର୍କ ଓ ଅର୍ଦ୍ଧନିର୍ମିତ କୋଠା ଓ ମଲ୍ ପାଖରେ ପହରା ଦିଆଯାଉଥିବା ଦିଲ୍ଲୀ ପୋଲିସ ସୂଚନା ଦେଇ କହିଛି । ଏହି ସମୟରେ ବରିଷ୍ଠ ପୋଲିସ ଅଫିସର ଓ ଷ୍ଟେସନ ହାଉସ ଅଫିସରମାନେ ସେଠାରେ ଉପସ୍ଥିତ ରହୁଛନ୍ତି ।
