ରାମନାଥପୁରମ: ତାମିଲନାଡୁର ଦକ୍ଷିଣ ରାମନାଥପୁରମ୍ ଜିଲ୍ଲା ରାମେଶ୍ବରମର ପବିତ୍ର ଦ୍ବୀପ । ଯେଉଁଠି କଅଁଳ ଖରାର ସ୍ପର୍ଶ ପରେ ମହିଳାଙ୍କ ଏକ ବ୍ୟାଚ ସମୁଦ୍ର ଭିତରକୁ ପ୍ରବେଶ କରିଥାନ୍ତି । ଆଉ ଏହି ମହିଳାଙ୍କ ମଧ୍ୟରୁ ଅଧିକାଂଶ ବୟସର ଅପରାହ୍ନରେ ଉପନୀତ । ହେଲେ ଗଭୀର ସମୁଦ୍ରର ଲହଢୀ ଏମାନଙ୍କୁ ଭୟଭୀତ କରିପାରେନି । ବରଂ ସେ ସମୁଦ୍ର କନ୍ୟା ବୋଲି ଗର୍ବ କରନ୍ତି ।
ଲୁଣି ପାଣିରେ ଗୋଟିଏ ନିଶ୍ବାସରେ ଦୀର୍ଘ ସମୟ ପର୍ଯ୍ୟନ୍ତ ବୁଡି ରହି ସମୁଦ୍ର ଶୈବାଳ ଏକତ୍ର କରି ଏମାନେ ବହୁ କଷ୍ଟରେ ଜୀବିକା ନିର୍ବାହ କରନ୍ତି । ଯାହା କୌଣସି ହାସ୍ୟାସ୍ପଦ କଥା ନୁହେଁ । ପର୍ଯ୍ୟଟନ ଏବଂ ମତ୍ସ୍ୟଚାଷ ବ୍ୟତୀତ, ସମୁଦ୍ର ତୃଣ ସଂଗ୍ରହ ବିଶେଷ କରି ମହିଳାମାନଙ୍କୁ ଲାଭଜନକ ରୋଜଗାର ଯୋଗାଇଥାଏ । ଆଉ ଦୀର୍ଘ ସମୟ ଧରି ଲୁଣି ପାଣିରେ ନିଶ୍ବାସ ବନ୍ଦ କରି ବୁଡିରହୁଥିବା ଅଧିକାଂଶ ମହିଳାଙ୍କ ବୟସ 60 ବର୍ଷରୁ ଅଧିକ । ସମୁଦ୍ର ତୃଣ କସମେଟିକ୍ସରେ ଏକ ଗୁରୁତ୍ବପୂର୍ଣ୍ଣ ଉପାଦାନ, ତେଣୁ ବର୍ଷତମାମ ଏହାର ଅଧିକ ଡିମାଣ୍ଡ ରହିଥାଏ । ଆଉ ଏହି ମହିଳାମାନେ ଖୁବ କମ ଏହାର ବ୍ୟବହାର କରିଥାନ୍ତି ।
ସଂଗୃହୀତ ଏହି ସମୁଦ୍ର ଶୈବାଳକୁ କୂଳରେ ଶୁଖାଯାଇଥାଏ । ଥରେ ପ୍ରକ୍ରିୟାକରଣ ପରେ ଏହା କିଲୋ ପିଛା 50 ଟଙ୍କାରେ ବିକ୍ରି ହୁଏ । ତେବେ ଜାଣନ୍ତି କି ଜୀବନକୁ ବାଜି ଲଗାଇ ଦିନ ତମାମ ପରିଶ୍ରମ ପରେ ସେମାନେ ଏହି ସମୁଦ୍ରରୁ ଶୈବାଳରୁ 500 ରୁ 600 ଟଙ୍କା ରୋଜଗାର କରିଥାନ୍ତି । ଯାହା ବର୍ତ୍ତମାନ ସମୟରେ ସମୁଦ୍ରକୁ ଶଙ୍ଖେ ଭଳି ।
ପରିବାରର ଖର୍ଚ୍ଚ ସହ ନାନା ସମସ୍ୟାର ସାମ୍ନା କରୁଥିବା ଏହି ସମୁଦ୍ର କନ୍ୟା ଯେତେବେଳେ କାମରେ ଲାଗିପଡନ୍ତି ସେତେବେଳେ ବୟସ ବି ଏମାନଙ୍କ ସାମ୍ନାରେ ହାର ମାନିଯାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
