ହାଇଦ୍ରାବାଦ: ଦିଲ୍ଲୀ ଇନ୍ଦିରା ଗାନ୍ଧୀ ବିମାନବନ୍ଦରର ତିନି ନମ୍ବର ଟର୍ମିନାଲରେ କଷ୍ଟମ ବିଭାଗ ଦ୍ବାରା କଲମ୍ବୋରୁ ଦିଲ୍ଲୀ ଆସୁଥିବା ଯାତ୍ରୀକୁ ଗିରଫ କରାଯାଇଛି । ସେ 9 ଲକ୍ଷ ଟଙ୍କାର ସୁନା ଚୋରାଚାଲାଣ କରୁଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି ।
କଷ୍ଟମ ବିଭାଗର ଜଏଣ୍ଟ କମିସନର ନିରଞ୍ଜନ ସିସି କହିଛନ୍ତି କଲମ୍ବୋରୁ ଦିଲ୍ଲୀ ଆସୁଥିବା ଯାତ୍ରୀ ଗ୍ରୀନ ଚ୍ୟାନେଲରୁ ବାହାରିବା ପରେ କଷ୍ଟମ ବିଭାଗର ଅଧିକାରୀମାନେ ସନ୍ଦେହ କରି ନଜର ରଖିଥିଲେ । ଏହା ପରେ କଷ୍ଟମ ବିଭାଗର ଅଧିକାରୀମାନେ ତାଙ୍କୁ ଜେରା କରିଥିଲେ । କଷ୍ଟମ ବିଭାଗର ଅଧିକାରୀମାନେ ଯାତ୍ରୀକୁ ଜେରା କରିବା ବେଳେ ତାଙ୍କ ଅନ୍ତଃବସ୍ତ୍ରରୁ 2ଟି ଅବଲ ସେପ ଆକାରର ପ୍ୟାକେଟରୁ 260 ଗ୍ରାମ ସୁନା ଜବତ କରିଥିଲେ । ଯାହାର ମୂଲ୍ୟ 9 ଲକ୍ଷ ହେବ ।
କଷ୍ଟମ ବିଭାଗର ଜେରାବେଳେ କହିଛି ସେ ତାଙ୍କର ପୂର୍ବରୁ 5 ଥର ଯାତ୍ରା କରି 1300 ଗ୍ରାମ ସୁନା ଚୋରାଚାଲାଣ କରିଛି । ଯାହାର ଆନୁମାନିକ ମୂଲ୍ୟ 45 ଲକ୍ଷରୁ ଅଧିକ ହେବ । ଏହି ଯାତ୍ରୀକୁ କଷ୍ଟମ ବିଭାଗ ନିୟମ ଅନୁସାରେ ସେକ୍ସନ 104 ଅନୁଯାୟୀ ଗିରଫ କରାଯାଇଛି । ସେକ୍ସନ 110 ଅନୁସାରେ ସୁନା ଜବତ କରାଯାଇଛି ।
