ରାୟପୁର : ସିଆରପିଏଫ ଯବାନଙ୍କ ମହାନତା, 8 କିଲୋମିଟର ଖଟିଆରେ ବୋହି ରୋଗୀକୁ ନେଲେ ଡାକ୍ତରଖାନା । ଚିକିତ୍ସା ପରେ ନୂଆ ଜୀବନ ପାଇଲେ କିଶୋର ।
ଛତିଶଗଡ ଗୁମୌଦୀ ଗାଁରେ ଜୁନ 6 ତାରିଖରେ ପାଟ୍ରୋଲିଂରେ ଯାଇଥିଲେ କିଛି ସିଆରପିଏଫ ଯବାନ । ସେହି ସମୟରେ ଗାଁର ଜଣେ 13 ବର୍ଷର ବାଳକ ଜଣ୍ଡିସରେ କଷ୍ଟ ପାଉଥିବା ଦେଖିଥିଲେ । ଗାଁକୁ ସଠିକ ରାସ୍ତା ନଥିବାରୁ ଡାକ୍ତରଖାନା ନେବାକୁ ପରିବାର ପକ୍ଷେ ସମ୍ଭବ ନଥିଲା ।
ତେଣୁ 231 ବାଟଲିୟନର କିଛି ଯବାନ ତାଙ୍କୁ ଡାକ୍ତରଖାନା ନେବାକୁ ସ୍ଥିର କରିଥିଲେ । ଖଟିଆରେ ବୁହାଇ 8 କିଲୋମିଟର ଦୂରରେ ଥିବା ସୁକମା ନେଇଥିଲେ । ସେଠାରେ ଥିବା ଡାକ୍ତରଖାନାରେ ତାଙ୍କର ଚିକିତ୍ସା ଆରମ୍ଭ ହୋଇଥିଲା । ବର୍ତ୍ତମାନ ତାଙ୍କର ସ୍ବାସ୍ଥ୍ୟବସ୍ଥା ସ୍ଥିର ରହିଥିବା ଜଣାପଡିଛି ।
