ନୂଆଦିଲ୍ଲୀ: ରାଷ୍ଟ୍ରିୟ ସ୍ବୟଂସେବକ ସଂଘ ପ୍ରମୁଖ ମୋହନ ଭାଗବତ ମହାରାଷ୍ଟ୍ରର ପୁନେର ଏହ କାର୍ଯ୍ୟକ୍ରମରେ ଯୋଗ ଦେଇ ଗୋସେବା ବିଷୟରେ ଆଲୋଚନା କରିଛନ୍ତି । ଜେଲରେ ଗାଈ ମାନଙ୍କ ପାଇଁ ଆଶ୍ରମ ଖୋଲିବା ଆବଶ୍ୟକ, ଗୋସେବା କରିବା ଦ୍ବାରା କଏଦୀମାନଙ୍କର ଅପରାଧିକ ପ୍ରବୃତ୍ତିରେ ପରିବର୍ତ୍ତନ ଆସିଥାଏ ।
ଆରଏସଏସ ପ୍ରମୁଖଙ୍କ ମତରେ, ବିଭିନ୍ନ ଜିଲ୍ଲାର ଜେଲରେ ଗୋସେବା ପାଇଁ ବ୍ୟବସ୍ଥା କରାଯାଇଥିଲା । ସେଠାରେ ଥିବା କେତେକ କଏଦୀ ଗୋସେବା କରିବା ଫଳରେ, ସେମାନଙ୍କ ମନରେ ଅପରାଧିକ ଧାରଣା ଆଉ ଆସିନଥିଲା । ଗୋ-ବିଜ୍ଞାନ ସଂଶୋଧନ ସଂସ୍ଥା ଦ୍ବାରା ଆୟୋଜିତ ଏକ ପୁରସ୍କାର ସମାରୋହରେ ଯୋଗ ଦେଇ ଏହା ବିଷୟରେ ସୂଚନା ଦେଇଛନ୍ତି ।
ଗାଈ ବ୍ରହ୍ମାଣ୍ଡର ମା ଓ ଗାଈ ମାଟି, ପଶୁ, ପକ୍ଷୀ ଓ ମନୁଷ୍ୟଙ୍କୁ ପୋଷଣ କରେ ବୋଲି କହିଛନ୍ତି ମୋହନ ଭାଗବତ । କଏଦୀଙ୍କ ଉପରେ ମନୋବୈଜ୍ଞାନିକ ପଦ୍ଧତି ପ୍ରୟୋଗ କରି କିଛି ସମୟ ଗୋସେବା କରିବାକୁ ଦିଆଯାଇଥିଲା, ଏହାପରେ ସେମାନଙ୍କ ମଧ୍ୟରେ ଆସିଥିବା ପରିବର୍ତ୍ତନକୁ ଲକ୍ଷ୍ୟ କରାଯାଇଥିଲା ବୋଲି ସେ କହିଛନ୍ତି ।
