ରାୟବରେଲୀ: କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ମଙ୍ଗଳବାର ଉତ୍ତର ପ୍ରଦେଶର ରାଏବରେଲୀରେ ପହଞ୍ଚିଛନ୍ତି । ସେଠାରେ ପହଞ୍ଚି ସେ ପୂର୍ବତନ ବିଧାୟକ ଅଖିଳେଶ ସିଂହଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ।
ପ୍ରିୟଙ୍କା କଂଗ୍ରେସ ବିଧାୟକ ଅଦିତି ସିଂହଙ୍କ ଲାଲପୁର ସ୍ଥିତ ବାସଭବନ ପହଞ୍ଚି ଅଖିଳେଶଙ୍କୁ ଶ୍ରଦ୍ଧାଞ୍ଜଳି ଦେବା ସହ ପରିବାରକୁ ଭେଟିଛନ୍ତି । ଦିବଙ୍ଗତ ପୂର୍ବତନ ବିଧାୟକ ଅଖିଳେଶ ସିଂହ ବିଧାୟକ ଅଦିତି ସିଂହଙ୍କ ପିତା । ରାଏବରେଲୀ ସଦର ଆସନରୁ ପାଞ୍ଚ ଥର ବିଧାୟକ ରହିଥିବା ବାହୁବଳୀ ଅଖିଳେଶ ସିଂହ ବହୁ ଦିନରୁ ଅସୁସ୍ଥ ଥିବା ବେଳେ ତାଙ୍କର ପରଲୋକ ହୋଇଛି । ପ୍ରିୟଙ୍କା ଅଦିତିଙ୍କ ଘରୁ ଫେରି ଗେଷ୍ଟହାଉସରେ କାର୍ଯ୍ୟକର୍ତ୍ତାଙ୍କ ସହ ବୈଠକ କରିବେ ।
ଇଟିଭି ବ୍ୟୁରୋ
