ନୂଆଦିଲ୍ଲୀ: ସାରା ଦେଶରେ ଜାରି ରହିଛି ଶୀତ ଲହରୀ । ଜାଡର ମାଡରେ ବେହାଲ ହେଲେଣି ଦେଶବାସୀ । ଅନ୍ୟ ରାଜ୍ୟ ସହ ରାଜଧାନୀ ଦିଲ୍ଲୀର ସ୍ଥିତି ସଙ୍ଗୀନ ହୋଇଗଲାଣି । ଘରୁ ବାହାରକୁ ବାହାରିବା କଷ୍ଟକର ହେଲାଣି ।
ଦିଲ୍ଲୀରେ ଶୀତ ବିଗତ 7 ବର୍ଷର ରେକର୍ଡ ଭାଙ୍ଗିଛି । ଗତ 7ବର୍ଷ ହେଲା ଦିଲ୍ଲୀରେ ଏଭଳି ଶୀତ ଅନୁଭୂତ ହୋଇନଥିଲା । ରାଜଧାନୀରେ ବର୍ତ୍ତମାନ ତାପମାତ୍ରା 9 ରୁ 10 ଡିଗ୍ରୀ ରହିଛି। ପାଣିପାଗ ବିଭାଗ ସୂଚନା ଅନୁଯାୟୀ ଏଭଳି ଶୀତ ଡିସେମ୍ବର 25 ତାରିଖ ପର୍ଯ୍ୟନ୍ତ ଜାରି ରହିବ ।
ରାଜଧାନୀ ସମେତ ହରିୟାଣା, ରାଜସ୍ଥାନ, ପଞ୍ଜାବ ଓ ଚଣ୍ଡିଗଡରେ ମଧ୍ୟ ଶୀତର ପ୍ରଭାବ ଦେଖିବାକୁ ମିଳିଛି । ରାଜସ୍ଥାନରେ ଏଭଳି ଶୀତ ଲହରୀ ଆହୁରି 4ରି 5 ଦିନ ପର୍ଯ୍ୟନ୍ତ ଲାଗି ରହିବ ବୋଲି ଜଣାପଡିଛି ।
