ନୂଆଦିଲ୍ଲୀ: ସମସ୍ତ ବ୍ୟାଙ୍କୁ ଆରବିଆଇର ଛାଟ । ଏଥର ସବୁ ପ୍ରକାର ମୁଦ୍ରାକୁ ଗ୍ରହଣ କରିବ ବ୍ୟାଙ୍କ । ଏନେଇ ଭାରତୀୟ ରିଜର୍ଭ ବ୍ୟାଙ୍କ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଶୁଣାଇଛନ୍ତି । ତେବେ ପୂର୍ବରୁ ପ୍ରଚଳିତ ହୋଇଆସୁଥିବା ସମସ୍ତ ଖୁଚୁରା ମୁଦ୍ରାର ବୈଧତା ରହିଛି । ଯେପରିକି 1, 2, 5 ଓ 10 ଟଙ୍କିଆ ମୁଦ୍ରା।
ଏସବୁର ଆକାର,ଡିଜାଇନ ଓ ଥିମରେ ପରିବର୍ତ୍ତନ ହୋଇଥିଲେ ମଧ୍ୟ ଏହାକୁ ସବୁ ସ୍ଥାନରେ ବିନା କୌଣସି ଦ୍ୱନ୍ଦରେ ପ୍ରଚଳିତ କରାଯାଇପାରିବ ବୋଲି ଆରବିଆଇ କହିଛି । ତେଣୁ ସାଧାରଣ ଜନତା ଏସବୁ ବିଷୟରେ ଗୁଜବ ନଖେଳାଇବାକୁ ବ୍ୟାଙ୍କ ଅନୁରୋଧ କରିଛି ।
ଖବର ଅନୁଯାୟୀ, ବିଭିନ୍ନ ବ୍ୟାଙ୍କ ଶାଖାରୁ ମୁଦ୍ରା ଗ୍ରହଣ ନକରିବା ବିଷୟରେ ଅଭିଯୋଗ ପାଇବା ପରେ ବୁଧବାର ଆରବିଆଇ ଏହି ବିଜ୍ଞପ୍ତି ପ୍ରକାଶ କରିଛି । ତେବେ ସମସ୍ତ ବ୍ୟାଙ୍କ ଏହି ଘଟଣାକୁ ଗୁରୁତର ସହ ନେବା ସହ ପ୍ରଚଳିତ ମୁଦ୍ରାର ନେଣଦେଣରେ ସାହାର୍ଯ୍ୟ କରିବାକୁ ପରାମର୍ଶ ଦିଆଯାଇଛି।
