ନୂଆଦିଲ୍ଲୀ: ପୂର୍ବତନ ଗୃହରାଜ୍ୟ ମନ୍ତ୍ରୀ ଚିନ୍ମୟାନନ୍ଦଙ୍କୁ ଦୁଷ୍କର୍ମ ମାମଲାରେ ବ୍ଲାକମେଲିଂ କରିଥିବା ଛାତ୍ରୀ ଜେଲରୁ ମୁକୁଳିଛନ୍ତି । ସେ ବୁଧବାର ସନ୍ଧ୍ୟାରେ ଜେଲରୁ ମୁକୁଳିବା ପରେ ନଗର ଉପାଧ୍ୟକ୍ଷ ଭାରତୀୟ ଜନତା ଯୁବା ମୋର୍ଚ୍ଚାର କାରରେ ବସି ପରିବାର ଲୋକଙ୍କ ସହ ମନ୍ଦିରରେ ପହଞ୍ଚିଛନ୍ତି । ଛାତ୍ରୀଙ୍କ ଜାମିନ ପତ୍ର ବୁଧବାର ସନ୍ଧ୍ୟାରେ ହାଇକୋର୍ଟ ପକ୍ଷରୁ ଜେଲକୁ ପଠାଯାଇଥିଲା । ସମସ୍ତ ଔପଚାରିକତା ସମ୍ପୂର୍ଣ୍ଣ ହେବା ପରେ ଛାତ୍ରୀଙ୍କୁ ସନ୍ଧ୍ୟା 6.18 ରେ ଜେଲରୁ ମୁକୁଳା ଯାଇଥିଲା ।
ସୂଚନା ଥାଉକି ଉକ୍ତ ଛାତ୍ରୀଙ୍କୁ ଚିନ୍ମୟାନନ୍ଦ ଦୁଷ୍କର୍ମ କରିଥିଲେ ବୋଲି ଅଭିଯୋଗ କରିଥିଲେ । ପରେ ଛାତ୍ରୀ ମଧ୍ୟ ସ୍ବାମୀ ଚିନ୍ମୟାନନ୍ଦଙ୍କୁ ଏହି ମାମଲାରେ ବ୍ଲାକମେଲିଂ କରିଛନ୍ତି ବୋଲି ଅଭିଯୋଗ ଆସିବା ପରେ ଛାତ୍ରୀଙ୍କୁ ଗିରଫ କରାଯାଇଥିଲା । ଏହି ମାମଲାରେ ଏସଆଇଟିକୁ ହାଇକୋର୍ଟ ପକ୍ଷରୁ ଯାଞ୍ଚ କରିବା ଦାୟିତ୍ବ ଦିଆଯାଇଥିଲା । ଏସଆଇଟି ପକ୍ଷରୁ ନିଜର ତଦନ୍ତ ରିପୋର୍ଟ ସିଲ୍ଡ ଲିଫାପାରେ ହାଇକୋର୍ଟରେ ଉପସ୍ଥାପନ କରାଗଲା । ଚିନ୍ମୟାନନ୍ଦ ମାମଲାରେ ସେପ୍ଟେମ୍ବର 25 ରେ ଛାତ୍ରୀଙ୍କୁ ଗିରଫ କରାଯାଇଥିଲା ।
