ଡେରାଡୁନ: କୋରୋନା ଆକ୍ରାନ୍ତ ହୋଇ ଚିକିତ୍ସାଧିନ ଥିବା ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତ୍ରିଭେନ୍ଦ୍ର ସିଂ ରାଓ୍ବତ ଦିଲ୍ଲୀ ଏମ୍ସରୁ ଡିସଚାର୍ଜ ହୋଇଛନ୍ତି । କୋରୋନା ସଂକ୍ରମିତ ହେବା ପରେ ତ୍ରିଭେନ୍ଦ୍ର ସିଂଙ୍କ ସମେତ ତାଙ୍କ ପତ୍ନୀ ଓ ଝିଅଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଥିଲା ।
ପ୍ରାଥନିକ ଭାବେ ତାଙ୍କ ଠାରେ କୋରୋନା ଲକ୍ଷଣ ଦେଖାଯିବାପରେ ସେ ଘରେ କ୍ବାରେଣ୍ଟାଇନରେ ଥିଲେ । ପରେ ତାଙ୍କର କୋରୋନା ରିପୋର୍ଟ ପଜିଟିଭ ଆସିଥିଲା । ଗତ 27 ତାରିଖରେ ତାଙ୍କ ସ୍ବାସ୍ଥ୍ୟବସ୍ଥାରେ ସାମାନ୍ୟ ଅବନ୍ନତି ଦେଖା ଦେବାରୁ ତାଙ୍କୁ ତୁରନ୍ତ ଦିଲ୍ଲୀ ଏମ୍ସକୁ ସ୍ଥାନାନ୍ତରିତ କରାଯାଇଥିଲା ।
28 ତାରିଖରେ ତାଙ୍କ ସ୍ବାସ୍ଥ୍ୟବସ୍ଥାରେ ସେମିତି କିଛି ଗୁରୁତର ସମସ୍ୟା ନଥିବା ସ୍ପଷ୍ଟ କରିବା ଓ କ୍ରମାଗତ ଭାବେ ସେଥିରେ ସୁଧାର ଆସୁଥିବା କଥା ଡାକ୍ତର ସୂଚନା ଦେଇଥିଲେ । ଏବେ ତାଙ୍କର କୌଣସି ଗୁରୁତର ସ୍ବାସ୍ଥ୍ୟଗତ ସମସ୍ୟା ନଥିବାରୁ ତାଙ୍କୁ ତେବେ ଆଜି ତାଙ୍କୁ ଦିଲ୍ଲୀ ଏମ୍ସରୁ ଡିସଚାର୍ଜ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
