ହାଇଦ୍ରାବଦ: ଦେଶରେ ଜାରି ରହିଛି କୋରୋନା ପ୍ରକୋପ । ଏହାକୁ ନେଇ ମେ 3 ତାରିଖ ପର୍ଯ୍ୟନ୍ତ ସମଗ୍ର ଦେଶରେ ଲକଡାଉନ ଜାରି ରହିଛି । ଏପରି ସ୍ଥିତିରେ ଜନଜୀବନ ସମ୍ପୂର୍ଣ୍ଣ ରୂପେ ପୁରା ଠପ ହୋଇଯାଇଛି । ରାସ୍ତା ଘାଟ, ଦୋକୋନା ବଜାର ବନ୍ଦ ଥିବାରୁ ଅନେକ ସମସ୍ୟା ଭୋଗୁଛନ୍ତି ଲୋକେ ।
ଏହି ପ୍ରରିପେକ୍ଷିରେ ଅନେକ ଚାଷୀ ଓ ବ୍ୟବସାୟୀ ମାନେ କ୍ଷତି ସହୁଥିବା ଘଟଣା ସାମ୍ନାକୁ ଆସିଛି । ଲକଡାଉନ କାରଣରୁ ଫଳ, ପନିପରିବା, ଫୁଲ ଆଦି ବିକ୍ରି ହୋଇପାରୁନି । ଯାହାଦ୍ବାରା ଚାଷୀଙ୍କୁ ତାଙ୍କ ପରିଶ୍ରମର ଫଳ ମିଳିପାରୁନି । ସେହିପରି ଆଉ 2ଟି ଘଟଣା ଦେଖିବାକୁ ମିଳିଛି ଗୁଜୁରାଟ ଓ ଛତିଶଗଡରେ ।
ଗୁଜୁରାଟର ରାଜକୋଟରେ ଏକ କ୍ଷେତରେ ଗୋଲାପ ଚାଷ କରାଯାଇଛି । ଫୁଲ ଗୁଡିକ ଉନ୍ନତମାନର ହୋଇଥିବାବେଳେ, ବେଶ ମନମୁଗ୍ଧକର । ହେଲେ ଲକଡାଉନ ଯୋଗୁଁ ଏହା ବିକ୍ରି ହୋଇପାରୁ ନାହିଁ, ଯେଉଁଥିପାଇଁ ଫୁଲ ଚାଷୀମାନେ କହିଛନ୍ତି ଯେ, ସେମାନେ ବହୁତ କ୍ଷତି ସହୁଛନ୍ତି । ମାଭଜୀ ଭାଇ ନାମକ ଜଣେ କୃଷକ କହିଛନ୍ତି, "ଆମ ଫୁଲ କେହି କିଣୁ ନାହାଁନ୍ତି । ସମସ୍ତ ଅମଳ ନଷ୍ଟ ହେଉଛି । ସରକାର ଏକ ରିଲିଫ ପ୍ୟାକେଜ ଘୋଷଣା କରିବା ଉଚିତ ଏବଂ ଆମକୁ ସାହାଯ୍ୟ କରିବା ଉଚିତ"।
ସେହିପରି ଛତିଶଗଡ ବଳରାମପୁରର ଫୁଲ ଚାଷୀମାନେ କହିଛନ୍ତି ଯେ ଲକଡାଉନ ଯୋଗୁଁ ସେମାନେ କ୍ଷତି ସହୁଛନ୍ତି । ସୀମା ନାମକ ଜଣେ କୃଷକ ତାଙ୍କ କ୍ଷତରେ ଗେଣ୍ଡୁ ଫୁଲ ଚାଷ କରିଛନ୍ତି । ସେ କହିଛନ୍ତି, "ଆମେ ଫୁଲ ତୋଳୁଛୁ ସତ ହେଲେ ତାକୁ ନେଇ ଅଳିଆ ଗଦାରେ ପକାଇବା ବ୍ୟତୀତ ଆମ ପାଖରେ ଆଉ କିଛି ବାଟ ନାହିଁ । ଯଦି ପରିସ୍ଥିତି ଭିନ୍ନ ହୋଇଥାନ୍ତା, ତେବେ ଏଥର ଅମଳ ବହୁତ ଭଲ ହୋଇଛି, ସେହି ହିସାବରେ ବହୁତ ଲାଭ ହୋଇଥାନ୍ତା।"
