ଚେନ୍ନାଇ: ଚେନ୍ନାଇ ଏୟାରପୋର୍ଟରୁ ସୁନା ଜବତ । ପାଖାପାଖି 2 କିଲୋ 678 ଗ୍ରାମ ସୁନା ଜବତ ହୋଇଛି । ଘଟଣାରେ 9 ଜଣଙ୍କୁ ଅଟକ ରଖିଛି ଏୟାରପୋର୍ଟର କଷ୍ଟମ ବିଭାଗ । ଜବତ ସୁନାର ମୂଲ୍ୟ 1 କୋଟି 7 ଲକ୍ଷ ହେବ ।
ସୂଚନାନୁସାରେ, ଚେନ୍ନାଇ ଏୟାରପୋର୍ଟରୁ ବଡ ଧରଣର ଚାଲାଣ ନେଇ କଷ୍ଟମ ବିଭାଗକୁ ଗୁପ୍ତ ସୂଚନା ମିଳିଥିଲା । ଏନେଇ ଏୟାରପୋର୍ଟର ସୁରକ୍ଷା ଯାଞ୍ଚକୁ କଡାକଡି କରାଯାଇଥିଲା । ଯାଞ୍ଚ ବେଳେ 9 ଜଣଙ୍କ ଉପରେ କଷ୍ଟମ ବିଭାଗର ସନ୍ଦେହ ହୋଇଥିଲା । ସେମାନଙ୍କ ପଚରାଉଚରା କରାଯିବା ସହ ଯାଞ୍ଚ କରାଯାଇଥିଲା । ଯାଞ୍ଚ ବେଳେ ସେମାନଙ୍କ ଅନ୍ତଃବସ୍ତ୍ରରୁ ସୁନା ସହ ଲାପଟପ୍ ଏବଂ ବିଦେଶୀ ସିଗାରେଟ୍ ଜବତ କରିଛି କଷ୍ଟମ ବିଭାଗ ଅଧିକାରୀ ।
