ପାଟନା: ବିହାର ଗୋପାଳଗଞ୍ଜ ଅଞ୍ଚଳରେ ବିପୁଳ ପରିମାଣର ଚରସ ଜବତ । ଏହି କାରବାରରେ ସମ୍ପୃକ୍ତ ତିନିଜଣ ନେପାଳ ନାଗରିକଙ୍କୁ ଗିରଫ କରିଛି ପୋଲିସ । ଅଭିଯୁକ୍ତଙ୍କ ଠାରୁ ଜବତ 265 କେଜି ଚରସର ମୂଲ୍ୟ ପ୍ରାୟ 35 କୋଟି ଟଙ୍କା ହେବ ବୋଲି ଆକଳନ କରାଯାଇଛି ।
ବଲଥାରି ତନଖି ଫାଟକର 28 ନମ୍ବର ଜାତୀୟ ରାଜପଥ ନିକଟରେ ଯାନବାହନ ଯାଞ୍ଚ ସମୟରେ ପୋଲିସ ଏକ ପିକଅପ ଭ୍ୟାନକୁ ତଲାସି କରିଥିଲା । ଯାହାମଧ୍ୟରୁ 265 କେଜିର ଚରସ ଜବତ ହୋଇଥିଲା । ତେବେ ଗାଡିଟି ନେପାଳର ବିରଗଞ୍ଜରୁ ଆସିଥିବାବେଳେ ଉତ୍ତର ପ୍ରଦେଶ ବରେଲି ଅଞ୍ଚଳରେ ଏହି ଚରସକୁ ହସ୍ତାନ୍ତର କରାଯିବାକୁ ଥିବା ପୋଲିସ ସୂଚନା ଦେଇଛି । ଘଟଣାରେ ତିନିଜଣ ନେପାଳ ନାଗରିକକୁ ଗିରଫ କରାଯାଇ ଘଟଣାର ଛାନଭିନ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
