ନୂଆଦିଲ୍ଲୀ: ଆଇ ମନେଟରୀ ଆଡଭାଇଜର (ଆଇଏମଏ) କମ୍ପାନୀ ଦୁର୍ନୀତି ମାମଲାରେ କର୍ଣ୍ଣାଟକ ପୂର୍ବତନ ଖାଦ୍ୟ ଓ ଯୋଗାଣ ମନ୍ତ୍ରୀ ଜମୀର ଅହମଦ ଖାନଙ୍କୁ ସିବିଆଇ ଜେରା କରିଛି । ଏଥିରେ ନିବେଶକଙ୍କ ଟଙ୍କା ଠକେଇ ହୋଇଥିବାର ଅଭିଯୋଗ ହୋଇଥିଲା ।
ଇସଲାମ ପ୍ରକ୍ରିୟାରେ ଟଙ୍କା ନିବେଶ କଲେ ଅଧିକ ଲାଭ ମିଳିବ ବୋଲି ଏଥିରେ ପୁଞ୍ଜି ନିବେଶ କରିଥିବା ନିବେଶକଙ୍କୁ କହି ସେମାନଙ୍କର ଅର୍ଥକୁ କମ୍ପାନୀ ଠକି ଦେଇଥିଲା । ଏ ମାମଲାରେ ପୂର୍ବତନ ମନ୍ତ୍ରୀ ଜମୀର ଅହମଦ ଖାନଙ୍କ ହାତ ଥିବା ସିବିଆଇ ସନ୍ଦେହ କରି ତାଙ୍କୁ ଜେରା କରିଛି ।
ଏହି ମାମଲା ସାମନାକୁ ଆସିବାର 8 ଦିନ ମଧ୍ୟରେ ସିବିଆଇ ସେପ୍ଟେମ୍ବର 7 ତାରିଖରେ ଉକ୍ତ ଦୁର୍ନୀତିର ମାଷ୍ଟର ମାଇଣ୍ଡ ମନସୁର ଖାନଙ୍କ ସହ ଅନ୍ୟ ଲୋକଙ୍କ ବିରୋଧରେ ମାମଲା ରୁଜୁ କରିଥିଲା । ତେବେ କର୍ଣ୍ଣାଟକ ସରକାର ଏବଂ କେନ୍ଦ୍ରର ମଞ୍ଜୁରୀ ପରେ ସିବିଆଇ ଅଗଷ୍ଟ 30ରେ ଏହି ମାମଲାର ତଦନ୍ତ ନିଜ ହାତକୁ ନେଇଥିଲା ।
