ସିମଲା: ହିମାଚଳପ୍ରଦେଶର ଜନଜାତୀୟ ଜିଲ୍ଲା ଲାହୋଲ ସ୍ପିତିରେ ନିୟନ୍ତ୍ରଣ ହରାଇ ଏକ କାର ନଦୀକୁ ଖସି ପଡିଛି । ଘଟଣା ବିଷୟରେ ପ୍ରଶାସନକୁ ଖବର ମିଳିବା ପରେ ଉଦ୍ଧାର କରିବାକୁ ପହଞ୍ଚିଥିଲା । ଦୁର୍ଘଟଣାରେ ଗାଡିରେ ଥିବା ଦୁଇ ଜଣ ଗୁରୁତର ଆହତ ହୋଇଛନ୍ତି । ସେମାନେ ଅଧିକ ଗୁରୁତର ହୋଇପଡିଥିବାରୁ ସେମାନଙ୍କୁ ହେଲିକପ୍ଟର ଯୋଗେ ଉଦ୍ଧାର କରି ଉପରକୁ ଅଣାଯାଇଛି ।
ସୂଚନାମୁତାବକ, କାଜା-ତାବେ ରୋଡରେ ଶିଗୋ ନିକଟରେ ଏକ କାର ଅନିୟନ୍ତ୍ରିତ ହୋଇ ସ୍ପିତି ନଦୀରେ ଖସିପଡିଥିଲା । ଘଟଣାର ସୂଚନା ମିଳିବା ପରେ ସ୍ଥାନୀୟ ଲୋକେ ଉଦ୍ଧାର କରିବାକୁ ଉଦ୍ୟମ କରିବା ସହ ପ୍ରଶାସନକୁ ମଧ୍ୟ ଖବର ଦେଇଥିଲେ । ପ୍ରଶାସନ ସ୍ଥାନୀୟ ଲୋକଙ୍କ ସହଯୋଗରେ ରେସ୍ୟୁ ଅପରେସନକୁ ସଫଳ କରିଥିଲେ । ତେବେ ଆହତଙ୍କ ଅବସ୍ଥା ଗୁରୁତର ହେବା ସହ ନଦୀ ଜଳ ଥଣ୍ଡା ଥିବାରୁ ସେମାନଙ୍କୁ ହେଲିକପ୍ଟର ଅଣାଯିବା ପରେ ଆଇଜିଏମସି ଶିମଲାରେ ଭର୍ତ୍ତି କରାଯାଇଛି ।
ଏହି ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିମାନେ ସୋନମ ତାଣ୍ଡୁପଙ୍କ ପୁଅ ସୋନମଙ୍କ ବୟସ 32 ବର୍ଷ ଏବଂ ରାଜ କୁମାରୀ ପତ୍ନୀ ଟେନଜିନ ଗୁଟୁକ ବାସିନ୍ଦା କାଜା ବୋଲି ଜଣାପଡିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
