ନୂଆଦିଲ୍ଲୀ: ଦୀପାବଳିରେ ସାରା ଦେଶ ସେଲିବ୍ରେସନ କରିଥିବା ବେଳେ ଗ୍ରେଟର ନୋଏଡାର ଏମିତି ଏକ ଦୃଶ୍ୟ ଯାହା ସମସ୍ତଙ୍କୁ ଚକିତ କରିଛି । ଦିଲ୍ଲୀରେ ଏବେ ବାୟୁ ପ୍ରଦୂଷଣ ମାତ୍ରା ଖରାପ ସ୍ଥିତିରେ ଥିବା ବେଳେ ଏଠାକାର ବାସିନ୍ଦା ଏହାକୁ ଖାତିର ନକରି ମନଇଚ୍ଛା ବାଣ ଫୁଟାଇଛନ୍ତି । ଯାହାଫଳରେ ବାୟୁ ପ୍ରଦୂଷଣ ଅଧିକ ମାତ୍ରାରେ ଦେଖିବାକୁ ମିଳିଛି । ତେବେ ସୁପ୍ରିମ କୋର୍ଟଙ୍କ ନିର୍ଦ୍ଦେଶ କ୍ରମେ ରାତି 10 ଟା ପୂର୍ବରୁ ବାଁ ଫୁଟାଇବା ସହ ବିପଦଜନକ ଅବସ୍ଥାରେ ବାଣ ଫୁଟାଇ ବାକୁ ବାରଣ କରାଯାଇଥିଲା। ମାତ୍ର ନଏଡାରେ ଦାଦ୍ରୀ ହାଇୱେରେ ଏକ ଚଳନ୍ତା କାରରୁ କିଭଳି ବେଫିକର ଆତସବାଜୀ କରାଯାଉଛି ଦେଖନ୍ତୁ...
ଟିକିଏ ନଜର ପକାନ୍ତୁ ଏହି ଭାଇରାଲ ଭିଡିଓ ଉପରେ। ଗାଡିଟି ଚାଲୁଥିବା ଅବସ୍ଥାରେ କେମିତି ବାଣ ଫୁଟା ଚାଲିଛି । ନିୟମକୁ ଆଖିଠାର ଦେଇ କେମିତି ଚାଲିଛି ଆତସବାଜି ତାହା ଏ ଭିଡିଓ ମାଧ୍ୟମରେ ଦେଖନ୍ତୁ । ତେବେ ଏହି ଭିଡିଓ ଭାଇରାଲ ପରେ ରାଜଧାନୀ ପୋଲିସଙ୍କ ପାରିବା ପଣିଆ ଉପରେ ପ୍ରଶ୍ନ ଉଠିଛି ।
ଏହି ଘଟଣା ସାମ୍ନାକୁ ଆସିବା ପରେ ଏବେ ପୋଲିସ ତାର ତତ୍ପରତା ଦେଖାଇଥିବା ବେଳେ ଏମିତି ନିୟମ ଉଲ୍ଲଂଘନକାରୀଙ୍କୁ ଖୋଜିବାରେ ଲାଗିପଡିଛି ପୋଲିସ ।
