ନୂଆଦିଲ୍ଲୀ: ଜଣେ ସୀମା ସୁରକ୍ଷା ବଳ(ବିଏସଏଫ)ଙ୍କୁ ଗିରଫ କଲା ପଞ୍ଜାବ ପୋଲିସ । ଡ୍ରଗ୍ସ ଚୋରା ଚାଲଣ କରୁଥିବା ଏକ ସଙ୍ଗୀନ ଅଭିଯୋଗରେ ଗିରଫ କରିଛି ପୋଲିସ । ବିଏସଏଫ ଯବାନ ଜଣକ ଜମ୍ମୁ-କାଶ୍ମୀରର ଭାରତ-ପାକିସ୍ତାନର ଅନ୍ତର୍ଜାତୀୟ ସୀମା ସାମ୍ବା ସେକ୍ଟର ନିୟୋଜିତ ହୋଇଥିଲେ । ବିଏସଏଫ ଯବାନଙ୍କ ଘର ଗୁରୁଦାସପୁର ବୋଲି ଜଣାପଡିଛି ।
ପଞ୍ଜାବ ପୋଲିସ ଯବାନଙ୍କୁ ଗିରଫ କରିବା ପରେ ତାଙ୍କ ଠାରୁ ବହୁ ଅସ୍ତ୍ରଶସ୍ତ୍ର ମଧ୍ୟ ଜବତ କରିଛି। ଗୋଟିଏ ପିସ୍ତଲ, 80 ରାଉଣ୍ଡର ଗୁଳିଗୁଳା, 2ଟି ମାଗାଜିନ ଓ 1 ରାଉଣ୍ଡର 12 ବୋର ସମେତ 3ଟି ମୋବାଇଲ ଫୋନ ଜବତ ହୋଇଛି ।
ଭାରତର ସୀମା ତଥା ଜମିକୁ ସୁରକ୍ଷା ପ୍ରଦାନ କରିବା ଦିଗରେ ଭାରତର ଅର୍ଦ୍ଧସାମରିକ ବଳରେ ବିଏସଏଫ ଯବାନ ନିୟୋଜିତ ହୋଇଥାନ୍ତି । ଏମାନେ ଗୃହମନ୍ତ୍ରଣାଳୟ ପ୍ରଶାସନିକ ଅଧିନରେ ଆସିଥାନ୍ତି ।
