ଲକ୍ଷ୍ନୌ: ଶୀତରୁ ରକ୍ଷା ପାଇବା ପାଇଁ ଅଯୋଧ୍ୟା ଶ୍ରୀରାମ ଜନ୍ମଭୂମି ରାମ ମନ୍ଦିରରେ ବ୍ଲର୍ ହିଟର ଲଗାଯାଇଛି । ପାଗ ପରିବର୍ତ୍ତନ ହେବା ସହ ଥଣ୍ଡାର ପ୍ରକୋପ ବୃଦ୍ଧି ପାଉଥିବାରୁ ରାମଲଲାଙ୍କ ପାଇଁ ବ୍ଲର ହିଟରର ବନ୍ଦୋବସ୍ତ କରାଯାଇଛି । ଏହା ଫଳରେ ଶ୍ରୀ ରାମଲାଲଙ୍କ ଉପରେ ଥଣ୍ଡାର କୌଣସି ପ୍ରଭାବ ପଡିବନାହିଁ ।
ଏଣିକି ଆଉ ପ୍ରଭୁ ଶ୍ରୀ ରାମଲାଲଙ୍କ ଉପରେ ଥଣ୍ଡାର କୌଣସି ପ୍ରଭାବ ପଡିବନାହିଁ । କାହିଁକି ନା ରାମଲାଲଙ୍କୁ ଟେଣ୍ଟରୁ ନେଇ ଆସ୍ଥାନ ଉପରେ ବିରାଜମାନ କରାଯାଇଛି । ଯେଉଁଠାରେ ଥଣ୍ଡାରୁ ବର୍ତ୍ତିବା ପାଇଁ ସମସ୍ତ ଉପାୟ ଅବଲମ୍ବନ କରାଯାଇଛି । ରାମଲଲା ଟେଣ୍ଟରେ ଥିବା କାରଣରୁ ଥଣ୍ଡାରୁ ରକ୍ଷାପାଇବା ପାଇଁ କୌଣସି ଯନ୍ତ୍ରର ବ୍ୟବହାର କରାଯାଇ ପାରୁନଥିଲା । ଏବେ ରାମଲଲା ଆସ୍ଥାନରେ ବିରାଜମାନ ହେବାପରେ ବ୍ଲର ହିଟରର ବନ୍ଦୋବସ୍ତ କରାଯାଇଛି ।
ତେବେ ଗତ 27 ବର୍ଷ ହେବ ରାମଲଲା ଟେଣ୍ଟରେ ଥଣ୍ଡା ମଧ୍ୟରେ ରହୁଥିଲେ । ଏହି କାରଣରୁ ଭଗବାନଙ୍କୁ କେବଳ ଗରମ ବସ୍ତ୍ର ପରିଧାନ କରାଯାଉଥିଲା । କିନ୍ତୁ 2019 ମସିହା ନଭେମ୍ବର 9 ତାରିଖରେ ନିର୍ଦ୍ଦେଶ ଦେବାପରେ 25 ମାର୍ଚ୍ଚରୁ ରାମଲଲା ଆସ୍ଥାନରେ ବିରାଜମାନ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
