ବେଙ୍ଗାଲୁରୁ: ଜାରି ରହିଛି କର୍ଣ୍ଣାଟକର ହାଇ ଭୋଲଟେଜ ଡ୍ରାମା । ବାଚସ୍ପତିଙ୍କ ନିକଟରେ ହାଜର ହେବା ପାଇଁ ଅଧିକ ସମୟ ମାଗିଛନ୍ତି ବିଦ୍ରୋହୀ ବିଧାୟକ । ଏହି ବିଦ୍ରୋହୀ ବିଧାୟକଙ୍କୁ ଆଜି ହାଜର ହେବା ପାଇଁ ସମନ କରିଥିଲେ ବାଚସ୍ପତି ।
୧୩ ଜଣ ବିଦ୍ରୋହୀ ବିଧାୟକ ବାଚସ୍ପତିଙ୍କ ନିକଟରେ ହାଜର ହେବା ପାଇଁ ଆଉ ୪ ସପ୍ତାହ ସମୟ ମାଗିଛନ୍ତି । ଏନେଇ ସେମାନେ କର୍ଣ୍ଣାଟକ ବିଧାନସଭା ବାଚସ୍ପତି କେ ଆର୍ ରମେଶ କୁମାରଙ୍କୁ ଚିଠି ଲେଖି ଜଣାଇଛନ୍ତି । ତେବେ ଆସ୍ଥା ଭୋଟ ପୂର୍ବରୁ ବାଚସ୍ପତି କିଛି ବିଧାୟକଙ୍କୁ ଅଯୋଗ୍ୟ ଘୋଷଣା କରିପାରନ୍ତି ।
ସୂଚନା ଯୋଗ୍ୟ ଯେ, କୁମାରସ୍ବାମୀଙ୍କ ସରକାରରୁ କଂଗ୍ରେସ-ଜେଡିଏସର 16 ବିଧାୟକ ଇସ୍ତଫା ଦେବାପରେ ବାଚସ୍ପତି ସେମାନଙ୍କ ଇସ୍ତଫା ଅସାମ୍ବିଧାନିକ ଦର୍ଶାଇ ଗ୍ରହଣ କରିନଥିଲେ । ସେମାନଙ୍କ ଇସ୍ତଫା ପତ୍ର ଗ୍ରହଣ କରା ନ ଯିବାରୁ ୧୫ ବିଧାୟକ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ । ଯାହାର ଶୁଣାଣିରେ କୋର୍ଟ କହିଥିଲେ, ଏହି ବିଦ୍ରୋହୀ ବିଧାୟକଙ୍କୁ ଆସ୍ଥା ଭୋଟରେ ଭାଗ ନେବା ପାଇଁ ବାଧ୍ୟ କରାଯାଇପାରିବ ନାହିଁ । କିନ୍ତୁ ସେମାନଙ୍କ ଇସ୍ତଫା ଉପରେ ବାଚସ୍ପତି ନିଷ୍ପତ୍ତି ନେବେ । ତେବେ କୋର୍ଟଙ୍କ ରାୟ ପରେ ବାଚସ୍ପତି ଏହି ବିଦ୍ରୋହୀ ବିଧାୟକଙ୍କୁ ଜୁଲାଇ 23 ରେ ହାଜର ହେବାକୁ ନିର୍ଦ୍ଦେଶ ଦେଇଥିଲେ ।
