କୋଲକାତା: ନିର୍ବାଚନ ସରିଯାଇଥିଲେ ବି ଥମି ନାହିଁ ପଶ୍ଚିମବଙ୍ଗ ରାଜନୀତିରେ ଝଡ଼ । ‘ଜୟ ଶ୍ରୀରାମ’ ନାରାକୁ ନେଇ ଦିଦିଙ୍କ ସହ ବିଜେପି କର୍ମୀଙ୍କ ଚାଲିଛି ଜୋରଦାର ଲଢେଇ । ଏହି ନାରା ଶୁଣି ଦିଦି ଜଳୁଥିବା ବେଳେ ବିଜେପି 10 ଲକ୍ଷ ପତ୍ରରେ ଜୟ ଶ୍ରୀରାମ ଲେଖି ପଠାଇବାକୁ ସ୍ଥିର କରିଛି ।
ତେବେ ମମତା ବାନାର୍ଜୀଙ୍କ ନିର୍ବାଚନ ରାଲିରେ ଜଣେ ଯୁବକ ଏହି ନାରା ଲଗାଇବାରୁ ଦିଦିଙ୍କ ନିର୍ଦ୍ଦେଶରେ ତାକୁ ଗିରଫ କରାଯାଇଥିଲା । ସେହିପରି ଦୁଇଦିନ ପୂର୍ବେ ମମତାଙ୍କ କାରକେଡ଼ ଯାଉଥିବାବେଳେ ଜଣେ ସ୍ଥାନୀୟ ଯୁବକ ଜୟ ଶ୍ରୀରାମ କହିଥିଲା । ଫଳରେ ଦିଦି କାରକେଡ ଅଟକାଇ ତାକୁ ତାଗିଦ କରିବା ସହ ଚମଡା ଉତରେଇ ଦେବେ ବୋଲି ଧମକ ଦେଇଥିଲେ । ଏନେଇ ବିଜେପି ସାଂସଦ ଅର୍ଜୁନ ସିଂହ କହିଛନ୍ତି ଆଗାମୀ ଦିନରେ ଆମେ ମୁଖ୍ୟମନ୍ତ୍ରୀ ମମତାଙ୍କ ବାସଗୃହକୁ 10 ଲକ୍ଷ ପତ୍ରରେ ‘ଜୟ ଶ୍ରୀରାମ’ ଲେଖି ପଠାଇବାର ନିର୍ଣ୍ଣୟ ନେଇଛୁ ।
